D Selöikide si e Herrscherdünastii gsi, wo im 3. und 2. Joorhundert vor dr Zitwändi über groossi Däil vom Nooche Oste gherrscht het.
Dr Gründer vo dr Dünastii isch dr makedonisch General Selöikos gsi, wo sich noch em Dood vom Alexander em Groosse vo 320 v. d. Z. aa in de asiatische Satrapie vom Alexanderriich as Herrscher duuregsetzt het und sich im Joor 305 under em Naame Seleukos I. Nikator zum Köönig erkläärt het.
In dr Schlacht vo Ipsos 301 v. d. Z. het er zämme mit em Lysimachos, em Herrscher über Thrakie, dr Antigonos gschlaage, wo d Machbasis von em in Chläiasie gsi isch. 285 v. d. Z. het er im Antigonos si Soon Demetrios, gfangegnoo. Vier Joor druf het er dr Lysimachos in dr Schlacht bi Kurupedion besigt. Dr Selöikos het denn Makedonie und Thrakie welle a sich risse, isch aber churz nochdäm er uf Öiropa übergsetzt het, vom Ptolemaios Keraunos ermordet worde. Dr Selöikos het sim Soon Antiochos I. si Riich vererbt, wo zwar s grösste, aber au s heterogenste Diadocheriich gsi isch.
Noch de Diadochechrieg (bis 277) het sich dr Komflikt mit Rom afo verscherfe, wo si Iifluss uf dr östlig Middelmeerrum usbräitet het. Im Syrisch-Römische Chrieg (192–188) het dr Antiochos III. d Schlacht vo Magnesia verloore und het im Friide vo Apameia im Joor 188 uf alli Länder nördlig und westlig vom Tauros müesse verzichte, het sich nüme politisch in Chläiasie döfe iimische, het käini Chriegselifante me döfe haa und nume e Flotte vo zää Schiff und het schweeri Reparazione an d Römer müesse zaale.
Im jüdische Makkabäer-Ufstand si under em Antiochos IV. d Browinze Koilesyrie und Palestina verlore gange und d Parther häi zwüsche 141 und 138 d Browinze im Oste, Babylonie, Elam, Medie und Persis annektiert und dr Demetrios II. gfangegnoo.
In dr Schlussfaase vo dr Selöikidedünastii isch iir Territorium uf Sürie beschränggt gsi, und au das isch nume no e römische Klientelstaat gsi. Dr Pompeius het denn schliesslig dr letscht Selöikid, dr Filipp II. Filorhomaios, lo ermorde und im Joor 63. v. d. Z. in Sürie e römischi Browinz iigrichdet.
Antiochos | Laodike | ||||||||||||||||||||||||||||||||||||||||||||
Selöikos I. Nikator Kg. 305–281 | Apame | ||||||||||||||||||||||||||||||||||||||||||||
Achaios dr Elteri | Stratonike | Antiochos I. Soter Kg. 281–261 | |||||||||||||||||||||||||||||||||||||||||||
Andromachos | Antiochos II. Theos Kg. 261–246 | Laodike | |||||||||||||||||||||||||||||||||||||||||||
Achaios dr Jüngeri Kg. 220–213 | Laodike | Selöikos II. Kallinikos Kg. 246–226 | Antiochos Hierax Kg. 240–228 | ||||||||||||||||||||||||||||||||||||||||||
Selöikos III. Keraunos Kg. 226–223 | Antiochos III. dr Groossi Kg. 223–187 | Laodike | |||||||||||||||||||||||||||||||||||||||||||
Selöikos IV. Filopator Kg. 187–175 | Laodike | Antiochos IV. Epifanes Kg. 175–164 | |||||||||||||||||||||||||||||||||||||||||||
Apame | Demetrios I. Soter Kg. 162–150 | Antiochos V. Eupator Kg. 164–162 | |||||||||||||||||||||||||||||||||||||||||||
Alexander I. Balas Kg. 150–146 | Kleopatra Thea | Demetrios II. Nikator Kg. 145–125 | Antiochos VII. Sidetes Kg. 138–129 | ||||||||||||||||||||||||||||||||||||||||||
Antiochos VI. Dionysos Kg. 144–142 | Selöikos V. Filometor Kg. 126–125 | Antiochos VIII. Grypos Kg. 125–96 | Kleopatra Tryphaina | Antiochos IX. Kyzikenos Kg. 116–96 | |||||||||||||||||||||||||||||||||||||||||
Selöikos VI. Epifanes Kg. 96–95 | Antiochos XI. Eusebes Kg. 95–92 | Filipp I. Filadelfos Kg. 95–83 | Demetrios III. Eukairos Kg. 95–88 | Antiochos XII. Dionysos Kg. 87–84 | Antiochos X. Eusebes Kg. 95–83 | ||||||||||||||||||||||||||||||||||||||||
Filipp II. Filorhomaios Kg. 69–63 | Antiochos XIII. Asiatikos Kg. 69–64 | ||||||||||||||||||||||||||||||||||||||||||||