Schwyz (früehner Schwiz; Ussprooch [ʃviːts]) isch en Ortsdeil vo dr Iiwohnergmeind Schwyz im Kanton Schwyz.
Schwyz lit uf ere Höchi vo 516 m.ü.M. (Dorfplatz) am Südhang under de Mythe zwüschen em Lauerzersee und Vierwaldstettersee.
D Gmeind Schwyz setzt sich us den Ortsdeil Schwyz, Rickebach, Ibach und Seewe zsämme. Dr Ortschaft Schwyz sälber sait mä au Fläcke Schwyz. Die drei übrige Ortsdeil wärde au as Filiale bezeichnet, also Filiale Ibach, Filiale Seewe und Filiale Rickebach. Alli Ordsdeil füehre, au wenn si hüte mitenander verwachse si, e dörfligs Eigeläbe, hai au ihri eigene Chillene und Wappe. Drnäbe git es no Wiiler, wo jede von ene eme Ortsdeil zuegewiise worden isch.