Schwendibach | |
---|---|
![]() | |
Basisdatä | |
Staat: | Schwiiz |
Kanton: | Bärn (BE) |
Verwautigschreis: | Thun |
Gmeind | Stäffisbuurg |
PLZ | 3624 |
Koordinate: | 616909 / 179559 |
Höchi: | 841 m ü. M. |
Flächi: | 1,49 km² |
Iiwohner: | 249 (31. Dezember 2017)[1] |
Charte | |
![]() |
Schwändibach (amtlech Schwendibach) isch en ehmalegi Iiwohnergmeind, wo sit em 1. Jänner 2020 zu Stäffisbuurg im Verwautigschreis Thun vom Kanton Bärn ghört.
Schwändibach säuber isch en Wiiler mit es paar Ströisidlige drumume, wo am Nordhang vom Grüsisbärg ligge. D Flächi vor Gmeind het us 71,5 % langwirtschaftlecher Flächi, 17,9 % Waud u 10,6 % Sidligsflächi bstange.[2] D Nachbergmeinde si Tuun im Süde, Stäffisbuurg im Weschten u Nordweschten u Homberg im Nordoschten un Oschte gsi.
Schwändibach isch zum erschte Mal gnennt worde im Jahr 1388 aus Swendibach. Bis zum 31. Dezämber 2009 het d Gmeind zum Bezirk Thun ghört. Uf en 1. Jänner 2020 het si mit Stäffisbuurg fusioniert.
Quäuue: Bundesamt für Statistik 2005[3]
Jahr | 1850 | 1860 | 1870 | 1880 | 1888 | 1900 | 1910 | 1920 |
Ywohner | 136 | 129 | 143 | 144 | 139 | 121 | 135 | 173 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Ywohner | 188 | 188 | 203 | 171 | 201 | 198 | 238 | 262 |
Dr Uusländeraateil isch 2010 bi 1,5 % gläge.[2]
85,1 % vo de Ywohner si evangelisch-reformiert, 3,4 % si römisch-katholisch (Stang 2000).[2]
Bi de Nationauraatswahle 2011 het s das Ergebnis ggää:[2] BDP 16,7 %, CVP 0,8 %, EVP 3,3 %, FDP 2,9 %, GLP 2,0 %, GP 4,2 %, SP 3,8 %, SVP 53,7 %, Suschtigi 12,6 %.
Dr letscht Gmeindspresidänt vo Schwändibach isch dr Roland Amstutz gsi.
D Arbetslosigkeit isch im Jahr 2011 bi 0,9 % gläge.[2]
Bir Vouchszeuuig 2000 hei vo de 262 Ywohner 98,5 % Dütsch aus Houptsprach aaggää, 0,8 % Französisch u 0,4 % Italienisch.[2]
Dr Dialäkt vo Schwändibach ghört zum Hochalemannisch.