Schlacht vo Manzikert | |||||||
---|---|---|---|---|---|---|---|
Deil vo: Byzantinisch-Seldschukischi Chrieg | |||||||
![]() Schlacht vo Manzikert, französischi Miniatur us em 15. Joorhundert, wo d Kämpfer in westöiropäische Rüstige zäigt | |||||||
| |||||||
Konfliktparteie | |||||||
Byzantiner | Seldschuke | ||||||
Befählshaber | |||||||
Romanos IV. | Alp Arslan | ||||||
Truppesterki | |||||||
öbbe 40'000 | under 40'000 | ||||||
Verlust | |||||||
umbekannt | umbekannt |
Schlachte in de Byzantinisch-Seldschukische Chrieg |
---|
Manzikert – Myriokephalon |
In dr Schlacht vo Manzikert (hüte Malazgırt, nördlig vom Vansee) isch dr byzantinisch Kaiser Romanos IV. Diogenes am 26. Augschte ane 1071 vo de türkische Seldschuke under em Alp Arslan besigt worde. Die Schlacht het en entschäidendi Rolle gschbiilt, ass Byzanz für e zitlang kuum me het chönne Widerstand läiste; und mit däm het d Iiwanderig von e Hufe Oghuse und Turkmene uf Chläiasie aagfange, wo sich in Anatolie niidergloo häi.
Die byzantinisch Armee isch öbbe 40'000 Maa stark gsi, e groosse Däil drvo fremdi Söldner. D Byzantiner häi kuum Ufkläärig bedriibe, die fränkische Söldner häi sich gwäigeret mitzkämpfe und die kumanische und petschenegische si, no bevor d Schlacht aagfange het, zu de Seldschuke desertiert. Wo denn dr General vo de Resärve dr Kaiser nid understützt het, isch d Schlacht verloore gsi und dr Romanos isch in Gfangeschaft gfalle.
Die Niiderlaag isch dr Aafang gsi vom ene Bürgerchrieg, wo s Riich no mee gschwecht het. D Chöschte vom Chrieg und was d Byzantiner an d Seldschuke häi müesse zaale, si für d Wirtschaft ruinöös gsi. Eso häi d Seldschuke no di no Chläiasie chönne bsetze.
![]() |
Dä Artikel basiert uff ere fräie Übersetzig vum Artikel „Schlacht_von_Manzikert“ vu de dütsche Wikipedia. E Liste vu de Autore un Versione isch do z finde. |