Sainte-Menehould
Region	Grand Est
Département	Marne
Arrondissement	Châlons-en-Champagne
Kanton	Argonne Suippe et Vesle
Kommünàlverbànd	L’Argonne Champenoise
Koordinàte	49° 5′ N, 4° 54′ O49.0902777777784.8972222222222Koordinate: 49° 5′ N, 4° 54′ O
Heche	132–261 m
Flech	57,11 km2
Iiwohner	4.166 (1. Jänner 2020)
Bevelkerungsdicht	73 Iiw./km2
Code Postal	51800
INSEE-Code	51507
Website	www.ville-sainte-menehould.fr

Sainte-Menehould ( [sɛ̃tmənu](info)^[1] odd’r [sɛ̃tmeneuld](info)^[2]) ìsch a frànzeescha Gmainda mìt 4166 Iiwoohner (Schtànd 1. Januar 2020) ìm Département Marne ìn dr Champagne ìn dr Regioon Grand Est. Sa gheert zem Arrondissement Châlons-en-Champagne un zem Kàntoon Argonne Suippe et Vesle. Sa ìsch dr Hàuiptort vu dr Làndschàft Argonne — s’ greeschta Tail vum Argonner Wàld lììgt uff’m Gmaindagebiat vu Sainte-Menehould.

dr Nàmma

Dr Nàmma vu dr Schtàdt schriiwa m’r offiziäll ohna Àkzant, àwwer m’r känna àui Ménehould odd’r Ménéhould schriiwa. Dr Nàmma kummt vu dr hl. Menehould (Menechilde odd’r Manechildis), dr Schwäschter vum hl. Memmius, em äärschta Bischoof vu Châlons-en-Champagne.^[3] D’ Iiwoohner nänna m’r Ménéhildiennes [meneildjɛn](info) un Ménéhildiens [meneildjɛ̃](info).

wu ’s lììgt

s’ Gmaindagebiat vu Sainte-Menehould

D’ Schtàdt lììgt àm Ort, wu dr Fluss Auve ìn d’ Aisne mìndet.

wia d’ Beväälkerung äntwìckelt hàt

wàs doo z’ sah ìsch

• d’ Wohn- un Gschaftshiiser um àm Place du Général-Leclerc un àm Place d’ Austerlitz, wo ìn dr äärschta Hälfta vum 18. Joohrhundert bàuia worra sìnn. Ìhra Fààsààda un Dacher sìnn àls Histoorisch Dankmol vu regionààler Bediitung iig’schtuuft^[4][5]
• s’ Roothüüs üss’m Joohr 1730. D’ Fààssààda un s’ Dàch sìnn àls Histoorisch Dànkmol vu nàzionààler Bediitung klàssifiziart; dr Hüüsgàng un d’ Schtaaga sìnn àls Histoorisch Dankmol vu regioonaler Bediitung iig’schtuuft^[6]
• d’ Kìrìch Notre-Dame-du-Château, üss’m 13. Joohrhundert, ìsch zitter 1930 àls Histoorisch Dankmol vu nàzionààler Bediitung klàssifiziart.^[7]
• d’ ehamooliga Schtaigüatfàwrìk vu Les Islettes üss’m 18. un 19. Joohrhundert — zitter 2006 ìsch sa àls Histoorisch Dankmol vu regionààler Bediitung iig’schtuuft^[8]
• d’ Kìrìch Saint-Charles, wo àb 1879 ìm Schtiil vu dr Näiromàànik bàuia worra-n-ìsch. S’ Gebäi ìsch nia gfartigt worra, àwwer maa hàt doo Gottesdianschta gfiirt.^[9]
• dr Schpitààl vu Sainte-Menehould ìsch dr äältschta Hoschpiz ìm Frànkrììch. ’S ìsch ìm 5. Joohrhundert grìnda worra.^[10] D’ Gebäijer sìnn ànna 2020 ìn Woohnhiiser umgwàndelt worra.^[11]
• d’ nàzionààla Nekropool, wu äbba 5.700 Soldààta-n-üss’m Äärschta un Zwaita Waltkriag beardigt sìnn — bii dana sìnn 17 unbekànnta diitscha Soldààta^[12]

• 
  Gebäi um àm Place du Général-Leclerc
• 
  s’ ehamoolig Gebäi vu dr Schpààrkàssa-n-àm Place du Général-Leclerc
• 
  s’ Rothüüs
• 
  d’ Kìrìch Notre-Dame-du-Château
• 
  d’ Kìrìch Saint-Charles
• 
  d’ Kàpall Saint-Charles
• 
  d’ Niklàuiskìrìch (Saint-Nicolas)
• 
  d’ Kàpall vum Hoschpiz
• 
  a Schtàtüüta vu dr hl. Menehould

Kochkunscht

S’ tràdizionäll Grìcht vu dr Schtàdt ìsch Schwiinig’s à la Sainte-Menehould.^{[13][14][15][16]}

Schtàdtpàrtnerschàft

Zitter 1965 gìtt’s a Pàrtnerschàft mìt dr diitscha Schtàdt Bruchsàl ìn Bààda-Wìrttabärg.^[17]

wìchtiga Litt üss dr Schtàdt

• dr Dom Pérignon (1638/39–1715), Mänch un Ärfìnder vum Verfààhra vu dr Flààschagäärung fìr Schàuimwii harschtälla
• dr Pierre-Marie Buirette (1783–1866), Ìndüschtrialler un Filàntrop z’ Reims
• dr Louis de Châtillon (1689–1734), Mooler
• dr Jean-Baptiste Collin de Sussy (1750–1826), Grààf un Minìschter vum Napoleon I.
• dr Jean-Baptiste Drouet (1763–1824), Politiker vu dr Frànzeescha Revoluzioon, wo dr Keenig Ludwig XVI. z’ Varennes hàt loo verhàfta. Ar hàt àui d’ Charlotte Corday loo verhàfta
• dr Camille Margaine (1829–1893), Senààtsmìtglììd üss’m Département Marne
• dr Auguste-Arthur Géraudel (1841–1906), Àpoteeker, wo z’ Sainte-Menehould siina Kàrriar ààgfànga hàt
• d’ Clémence de Pibrac (1869–1938), Kìnschtlera vu dr Belle Époque
• dr Alfred Margaine (1870–1953), Politiker
• dr Georges Michel (1890–1960), Schwìmmer
• dr René Wiriath (1899–1942), Liichtàthlet
• dr Michel Crozier (1922–2013), Gsällschàftsforscher
• dr Philippe Manœuvre (* 1954), Schurnàlìscht, Rundfunk- un Farnsahmoderàtoor. Ar hàt àui ìm B’raich Prassa un Comic gschàfft
• dr Serge Bonnet (1924–2015), Dominikààner, Priaschter un Gsällschàftsforscher

Lüag àui

• Lischta vu da Gmainda ìm Département Marne

Lìteràtüür

• John Jussy: Sainte-Ménehould. Alan Sutton, 2002 (französisch, 127 S., Iigschränkti Vorschau uf books.google.de). 
• John Jussy: Sainte-Ménehould de A à Z. Éditions Sutton, 2007, ISBN 2-84910-679-8 (französisch, 160 S.). 
• Claude Buirette: Histoire de la ville de Sainte-Ménehould et de ses environs. Hachette Livre, ISBN 978-2-01-255101-5 (französisch, 655 S., Iigschränkti Vorschau uf books.google.de – Erstausgabe: 1837). 
• Louis-Julien Brouillon: Histoire de la ville de Sainte-Menehould. Hachette Livre, 2018, ISBN 978-2-01-992304-4 (französisch, 282 S., Iigschränkti Vorschau uf books.google.de – Erstausgabe: 1909). 
• Centre d'études argonnais (Hrsg.): La vie rurale dans l'arrondissement de Sainte-Menehould au début du XIXe siècle (= Découverte de l’Argonne. Band 2). 1980, OCLC 1252204001 (französisch, 122 S.). 
• Géologie de l’Arrondissement de Sainte-Menehould. Hachette Livre, ISBN 978-2-329-26529-2 (französisch, 338 S., Iigschränkti Vorschau uf books.google.de). 
• Jean Lahirée: Étude historique sur l'hospice de Sainte-Menehould. J.-L. Le Roy, Châlons-sur-Marne 1867, OCLC 457335169 (französisch, 155 S.). 

Weblìnks

 Commons: Sainte-Menehould – Sammlig vo Multimediadateie

• Offiziälla Websitta vu dr Schtàdt (frànzeesch)
• Schtàtistik ìwwer d’ Gmainda Sainte-Menehould biim INSEE (frànzeesch)

Ainzelnoohwiisa