De Rowan Sebastian Atkinson, CBE[1] (* 6. Jänner 1955 z Consett, County Durham, Ängland) isch e britische Komiker und Schauspiler. International bekannt worde isch er vo allem durch sini Paraaderolle als dr komisch Chutz Mr. Bean.
Si Karriere het er 1979 bi dr BBC in dr Comedy-Show Not the Nine O’Clock News aagfange, wo au d Mel Smith, d Pamela Stephenson und dr Griff Rhys Jones mitspiilt häi.
Vo 1982 isch dr Atkinson in de vier Staffle vo dr Serii Blackadder ufdrätte, won er d Titelrolle vom Edmund Blackadder (wörtlig: Chrüzottere) gspilt het. D Serii isch vom Richard Curtis und Ben Elton gschriibe worde und het in vier verschiidene Epoche gspiilt. E hufe historischi Persönligkäite us dr änglische Gschicht si din dur e Gaggo zooge worde, und si macht sich au lustig über die nazionale, kulturelle und politische Äigehäite und Itelkäite vom änglische Volk. Wil aber dr Wortwitz kuum cha übersetzt wärde und wil Nid-Ängländer die satirische Aaspiilige uf die aktuelli britischi Politik kuum chönne verstoo, isch dr Erfolg witgehend uf en änglischsproochig Ruum beschränkt bliibe.
Commons: Rowan Atkinson – Sammlig vo Multimediadateie
|
Dä Artikel basiert uff ere fräie Übersetzig vum Artikel „Rowan_Atkinson“ vu de dütsche Wikipedia. E Liste vu de Autore un Versione isch do z finde. |