Nottu | |
---|---|
![]() | |
Basisdate | |
Staat: | Schwiiz |
Kanton: | Lozärn (LU) |
Wahlchreis: | Soorsi |
BFS-Nr.: | 1094 |
Poschtleitzahl: | 6207 |
Koordinate: | 652998 / 220681 |
Höchi: | 526 m ü. M. |
Flächi: | 10,33 km² |
Iiwohner: | 4091 (31. Dezämber 2022)[1] |
Website: | www.nottwil.ch |
Charte | |
![]() |
Nottu (amtl. Nottwil) esch en politischi Gmeind im Kanton Lozärn i de Schwiz.
Nottu liid am Westufer vom Sempachersee, de Haupteil liid am Bärg. De gröschti Teil vo de Bevölkerig wonnt unde im Dorf, ned wiit ewägg vom See. Zo de Gmeind ghöret ou no d Wiiler Oberei (549 m.ü.M.), Ei (528 m.ü.M.), Büel (587 m.ü.M.), Meiebach (508 m.ü.M.) ond Eggerschwil (517 m.ü.M.). Vo dr Gmeindsflächi send 77,8 % landwirtschaftlech gnotzt, 8,9 % send Waud, 12,6 % Sedligsflächi ond 0,7 % anderi Flächene.[2] Nottu gränzt im Norde a Oberchöuch, im Oschte a Budishouz und im Norde a Ruusmu und Sämpech.
I de nööchi vo Iflike händ Buure 1881 i de Ruine vom ene römische Guetshof e wonderbare Vierfuess ond anderi schöni römischi Gägeständ gfonde.
Nottu werd zom erschte Mou 1217/21 aus Notewile bezeichnet.
Quälle: Bundesamt für Statistik 2005[3]
Jahr | 1850 | 1860 | 1870 | 1880 | 1888 | 1900 | 1910 | 1920 |
Iiwohner | 1212 | 1107 | 1049 | 1001 | 931 | 928 | 1072 | 1102 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Iiwohner | 1115 | 1141 | 1185 | 1250 | 1340 | 1538 | 2078 | 2682 |
Ab 1850 send rond en Viertu vo de Lüt wäg de Industrialisierig abgwanderet. Auerdengs esch d Bevölkerig ab 1900 weder massiv agstege (+ 15 %), bis 1970 isch d Bevölkerig langsam wiitergwachse. Doch sit denn gods weder sehr stark (1970-2004 + 107 %) döruf. De Uusländeraateil esch 2014 bi 10,8 % gläge.[2]
Bi de Voukszählig 2000 hend vo dr 2682 Iiwohner 92,8 % Düütsch aus Houptsprach aagää, 0,5 % Französisch, 1,5 % Italienisch ond 5,2 % en anderi Sprach.[2]
Z Nottu redt mer s hochalemannisch Lozärntütsch.
Öber 3/4 vo de Iwohner vo Nottu send römisch-katholisch, 11,5 % send evangelisch ond 2 % Muslime. 5,6 % send konfessionslos.
Z Nottu läbed 87,81 % Schwizer ond 9,9 % Usländer.
Bi de Nationauraatswahle 2015 hät s das Ergebnis gää:[2] BDP 1,8% , CVP 25,6% , FDP 17,7% , GLP 5,8% , GP 5,2% , SP 8,6% , SVP 29,4% , anderi Parteie 5,8%.
De Gmeindspräsident vo Nottu esch de Walter Steffen (Stand Februar 2016).
D Arbetslosigkeit esch im Jahr 2011 bi 1,8 % gläge.[2]
Z Nottu stood sit 1990 s Schwizer Paraplegiker-Zentrum.[4] Au die Schwizer Paraplegiker-Vereinigung[5] esch i de Gmeind. Aafangs Oktober 2005 isch z Nottu au s «Guido A. Zäch Institut» (GZI) eröffnet worde.[6]