Nöifundland | ||
---|---|---|
Gwässer | Atlantische Ozean | |
Geographische Lage | 48° 34′ N, 55° 47′ W | |
| ||
Flechi | 108.860 km² | |
Hechschti Hebi | The Cabox 814 m | |
Iiwohner | 479.105 (2005) 4,4 Einw./km² | |
Hauptort | St. John’s | |
Nöifundland (änglisch Newfoundland, franzöösisch Terre-Neuve) isch en Insle vor dr Nordostküste vo Nordamerika im Atlantische Ozean. Si isch dr Däil vo dr kanadische Browinz Nöifundland und Labrador, wo am dichtiste besiidlet isch.
Nöifundland isch vo Labrador dur d Belle-Isle-Strooss drennt, vo dr Kap-Breton-Insle dur d Cabotstrooss. D Insle het e Flechi vo 108'860 km² (mit alle vorglaagerete Insle wie Twillingate, Fogo und Bell Island im Ganze 111'390 km²) und wird von e chli weniger as 500'000 Iiwoonern bewoont.
D Browinzhauptstadt St. John’s befindet sich ganz im Südoste uf dr Halbinsle Avalon. Vor dr Stadt lit s Cape Spear. Das isch nit nume dr östligst Punkt vo dr Insle, sondern au vom ganze nordamerikanische Kontinänt ooni Grönland. Öbbe 25 km südlig vo Nöifundland lit d Inslegrubbe Saint-Pierre und Miquelon, e franzöösischs Überseegebiet (collectivité d’outre-mer, offiziell mit COM abkürzt).
Dr höggst Punkt uf dr Insle isch dr 814 m hoochi Bärg The Cabox in de Long Range Mountains an dr Westküste bi Corner Brook. Dr längst Fluss isch dr 322 km langi Exploits River, wo vom Red Indian Lake us gege Nordoste fliesst.
![]() |
Dä Artikel basiert uff ere fräie Übersetzig vum Artikel „Neufundland“ vu de dütsche Wikipedia. E Liste vu de Autore un Versione isch do z finde. |