Monteceneri | |
---|---|
![]() | |
Basisdate | |
Staat: | Schwiiz |
Kanton: | Tessin (TI) |
Bezirk: | Lugano |
Kreis: | Taverne |
BFS-Nr.: | 5238 |
Poschtleitzahl: | 6802 |
Koordinate: | 715581 / 106488 |
Höchi: | 554 m ü. M. |
Flächi: | 36.9 km² |
Iiwohner: | 4688 (31. Dezämber 2022)[1] |
Website: | www.monteceneri.ch |
Medeglia | |
Charte | |
![]() |
Monteceneri isch e Gmai im Kanton Tessin in dr Schwyz. Si ghert zum Chrais (circolo) Taverne im Bezirk Lugano.
D Gmai lyt im Vedeggiodal am Fueß vum Monte Ceneri. Nochbergmaine sin Alto Malcantone, Cadenazzo, Camorino, Capriasca, Gambarogno, Isone, Mezzovico-Vira, Pianezzo, Ponte Capriasca un Torricella-Taverne.
Innerhalb vo de Gmai sin d Dörfer Bironico, Camignolo, Medeglia, Rivera und Sigirino. Zue Rivera ghere d Ortsdail Soresina, Sorencino un Capidogno.
D Gmai Monteceneri isch entstande am 21. Novämber 2010 dur d Fusion vu dr bishärige Gmaine Bironico, Camignolo, Medeglia, Rivera un Sigirino. Scho am 25. Novämber 2007 hän d Stimmburger vu däne fimf Gmaine iber e Zämmeschluss abgstumme, wu au no d Gmaine Isone un Mezzovico-Vira umfasst gha het. Wel die zwoo Gmaine aber d Fusion abglähnt ghaa hän un dr Staatsrot nit het welle ne Zwangsfusion vorschlaa, het s Kantonsbarlemänt am 2. Dezämber 2008 entschide, dass di nei gmai nume us fimf Gmaine sott bildet wäre. Dodergege hän e Dail Yywohner Yyspruch vor em Bundesgricht erhobe, wu die Bschwärde im Novämber 2009 guetghaiße het, derno isch in däne fimf Gmaine nomol extra abgstumme wore.
Bironico isch zum erschte mol gnännt wore anne 1296 as Bironico, Camignolo anne 1296 as Camigiollo, Medeglia anne 1195 as Medellia, Rivera anne 1348 as Rivera, Sigirino anne 1335 as Sezelino, Sorencino anne 1296 as Sorenzino.
Bis 1805 isch Robasacco, wu hite zue dr Gmai Cadenazzo ghert, Dail vu dr Gmai Medeglia gsii. S Biet um d Alpe di Caneggio, wu rund fimf Kilometer eschtlig vu Cadenazzo lyt, ghert as Gmainschaftbiet (Kommunanz, ital. Comunanza) zue Robasacco un Medeglia.
Dr Burgermaischter (Sindaco) vu Monteceneri isch dr Emilio Filippini.
Quälle: Bundesamt für Statistik 2005[2]
Johr | 1850 | 1860 | 1870 | 1880 | 1888 | 1900 | 1910 | 1920 |
Bironico | 177 | 153 | 156 | 185 | 209 | 176 | 206 | 248 |
Johr | 1930 | 1941 | 1950 | 1960 | 1970 | 1980 | 1990 | 2000 |
Camignolo | 258 | 260 | 246 | 292 | 235 | 238 | 233 | 275 |
Medeglia | 469 | 436 | 395 | 412 | 375 | 383 | 364 | 380 |
Rivera | 400 | 420 | 396 | 755 | 478 | 524 | 557 | 636 |
Sigirino | 229 | 215 | 224 | 362 | 242 | 236 | 280 | 230 |
Johr | 1930 | 1941 | 1950 | 1960 | 1970 | 1980 | 1990 | 2000 |
Bironico | 323 | 265 | 272 | 340 | 399 | 388 | 431 | 512 |
Camignolo | 287 | 306 | 319 | 349 | 488 | 460 | 560 | 596 |
Medeglia | 364 | 366 | 331 | 304 | 332 | 336 | 297 | 330 |
Rivera | 754 | 818 | 879 | 950 | 1146 | 1127 | 1285 | 1415 |
Sigirino | 221 | 210 | 212 | 209 | 291 | 237 | 268 | 390 |
Dr lombardisch Dialäkt vu Monteceneri ghert zum Ibergang zwisch em Ticinese un em Comasco-Lecchese.