D Ming-Dünastii (chin. 明朝, míng cháo) het vo 1368 bis 1644 im Kaiserriich China gherrscht. Si het die mongolischi Zuan-Dünastii abglööst und isch im 17. Joorhundert vo dr mandschurische Qing-Dünastii gstürzt worde.
D Ming-Dünastii isch vom Rebellefüerer Zhu Yuanzhang, wo d Ufständ vo de Roote Durbaan gege d Herrschaft vo de Mongole aagfüert het. 1363 het er in ere Flotteschlacht uf em Poyang-See si wichdigste Rival, dr „Han“-Brinz Chen You-liang besigt. Er het denn d Verwaltig nöi organisiert und scho 1363 38 Millione Münze lo brääge. Im Joor 1368 het er dr Khan Toghan Timur us Peking verdriibe und dr Mongoleherrschaft en Ändi gmacht.
Er het China wirtschaftlig wider ufbaut, het Bewässerigsbrojekt usgfüert und eso jeedes Joor bis zu fümf Millione Hektar Land erschlosse. D Iinaame us dr Stüür uf Chorn het sich in säggs Joor verdreifacht.
In dr Ming-Zit isch d Bürokratii gsterkt worde und d Regierig vo de Kaiser isch absolutistisch worde. D Bevölkerig isch in Buure-, Soldate- und Handwärkerfamilie iidäilt worde, und was si häi döfe mache, isch vorgschriibe gsi. Je zää Familie (lijia) si gmäinschaftlig dr Verwaltig gegenüber für Stüüre, öffentligi Dienstläistige und Ornig verantwortlig gsi. Im Lauf vo dr Zit het sich das Süsteem ufgwäicht und Korrupzioon het sich afo bräitmache.
Belastend für s Riich si d Kämpf mit de Mongole im Norde gsi. Wo d Chinese am Buinor-See 1387 d Mongole gschlaage und d Kublaide iiri Macht häi afo verliere, häi d Westmongole müesse bekämpft wärde, 1449 häi si e Schlacht verloore gege sä und d Mongole häi dr Kaiser Zhengtong gfange gnoo. Die chinesisch Armee isch immer defensiver worde, und zum s Land schütze isch die berüemti Chinesischi Muure witer usbaut worde.
Dr Undergang vo de Ming isch cho, wo Buureufständ d Regierig gschwecht häi und d Mandschu iiri Aagriff vom Norde us versterkt häi. D Ming häi sich gege Nanking zruggzooge. E Hufe Chinese im Norde häi d Mandschu afo understütze, au wenn die immer wider Massaker an dr Bevölkerig aagrichdet häi.
D Epoche vorhäär Yuan-Dynastie |
Zitdaafele vo dr chinesische Gschicht | D Epoche noochhäär Qing-Dynastie |
Chinesischi Gschicht
Xia |
Shang |
Zhou (Früelig und Herbst & Kämpfendi Riich) |
Qin |
Han |
Drei Riich |
Jin |
Südligi und Nördligi Dünastie |
Sui |
Tang |
Fümf Dünastie und Zää Riich |
Song |
Yuan |
Ming |
Qing |
Republik |
Volksrepublik
|