Dr Michael Joseph Jackson (* 29. August 1958 z Gary, Indiana; † 25. Juni 2009 z Westwood, Los Angeles, Kalifornie) isch e US-amerikanische Sänger, Songwriter, Entertainer on Erfinder[1] gsii. Mid gschäzde 750 Millione verchaufde Tondreeger[2] gilded er as ain vù dr erfolgryyschde Musiker in dr Gschiichd vù dr Popmusik. Är isch am 25. Juni 2009 gschdoorbe[3][4][5].
Dr Jackson isch as aachds vù insgsamd zee Chinder vùm Joseph Jackson (* 1929), eme Kranfierer, ùn dr Katherine Jackson (* 1930), erer Verchaiferi, ùf d Wäld chùù.
Syyni Gschwischder sin:
Im Mai 1994 hed dr Jackson d Lisa Marie Presley ghyroode, d Doochder vùm Elvis Presley. Anderhald Joor schbeeder sin si aber wider gschiide woore.
1996 hed dr Jackson d Chranggeschweschder Debbie Rowe ghyroode ùn hed mid iire zwai Chinder ghaa, e Sùùn, Michael Joseph Jackson jr. *1997, ùn e Doochder, Paris Michael Katherine *1998. D Ee mid dr Debbie Rowe isch im Joor 1999 wider gschiide woore.
E drid Chind, Prince Michael Jackson II, isch 2002 ùf Wäld chùù. D Mueder vù däm Sùùn isch nid bekand.
Dr Jackson hed scho in 70er Joor Gsiichdsoperatione mache loo. Offiziäll hed er immer gsaid, är heb si us gsùndhaidlige Grind miese mache. As syy Hud mid dr Joore al häler wooren isch, hed d Medie vermuede loo, är heb sich d Hud ùfhäle loo. Är hed doderzue im e Interview ane 1993 gsaid, er diei an dr Chrangged Vitiligo lyyde, wù d Pigmäntzäle in dr Hud hii machd.
Dr Vader hed scho friej syyni Chinder musikalisch gfèèrdered ùn si zue verschiidene Taländwedbewäärb broochd ùn si dooderbyy imer wider zue Hegschdlaischdige aadriibe.
1965 hed dr Joseph Jackson mid fimf vù syyne Chinder (Michael, Jackie, Jackson, Jackson, Marlon) d „Jackson Five“ grinded. Die Grùbe hed vor alem in dr 70er Joor groosi Wälderfolg ghaa.
Dr Jackson hed scho ane 1971 mid 13 Joor syyni Solokarriere aagfange. Bis Ändi vù dr 70er Joor hed er sich aber no ùf „The Jacksons Five“ konzäntriert. Bis 1978 hän si reegelmääsig Albe uusebroochd ùn sin ùf Tournee gange.
Am 1. Dezämber 1982 isch s Album Thriller, mid bis hid 108 Millione Tondreeger s maischdverchaufd Album vù dr Wäld.[6] Mid däm uusergweenlige Erfolg isch dr Jackson zùm Wäldstar woore. Charakteristisch fir dr Jackson sin syyni Chlaidig ùn syy Danzstil woore, dr Moonwalk.
Syd 1993 isch dr Jackson mee dùr Skandal wie dùr Musik in dr Schlaagzyyle gsii. Ùfgrùnd vù Medikamändemisbruuch hed er 1993 miese e Tournee abbräche.
1993 sin èèrschdi Voorwiirf geege dr Jackson wäge Chindsmisbruuch ùfchùù. E Prozäs isch 1994 mid ere usergriichdlige Ainigung ùn ere Abfindig vù iiber 20 Millione Dollar abgwänded woore.
Im Novämber 2003 isch dr Jackson wider aagchlagd woore. Dr Prozäs geege iin hed e groosi Ùfmèèrgsamkaid in dr ganze Wäld gfùnde. Am 13. Juni 2005 isch dr Jackson vùn ere Gschwooren-Jury in alne 10 Aachlaagpinggd aischdimig frèigschbroche woore.
Noch em Prozäs hed er syy Woonsiz, d "Neverland Ranch" z Kalifornie, wùn er 1988 gchaufd ghaa hed, ùfgee ùn isch ùf Bahrain zooge
