Masuwara (hethit. Masuwada; assyr. Til-Barsip; altgriech. Βέρσιβα, Bérsiba) isch e neohethitische Stadtstaat gsii.
Masuwara isch e Stadt am Ostufer vom Euphrat gsii, er isch identisch mit de assyrische Stadt Til-Barsip und em antike Bersiba und mit de Uusgrabig vo Tall Aḥmar („Rote Hügel“). Zom Piet vo Masuwara het Hadatta (ass. Ḫadattu; us aram. ḥdṯ-t „die Noi“) ghört, wo identisch isch mit de Uusgrabig Arslantaş („Loiestai“). Masuwara isch umgee gsii vo aramäische Stämm, gegenöber em Euphrat isch de neohethitischi Stadtstaat Karkamis glege.
Us hieroglypheluwische Inschrifte vo Masuwara isch bikannt, ass im spoote 10. Joorhundert v. Chr. sich zwoo Königsfamilene um de Thron gstritte hend. Ane 899 werd zerstmool de aramäischi Stamm Bit-Adini gnennt, wo bald drufabe d Macht öber Masuwara öbernoo het, wo denn i assyrische Quelle Til Barsip gnennt werd. De assyrisch König Assurnasirpal II. hett e längere Chrieg gege de König Aḫuni vo de Bit-Adini gfüert und 856 v. Chr. isch Til-Barsip underem Salmanessar III. en assyrischi Provinz wore und Til-Barsip isch noi Kar-Salmanessar gnennt wore.
I Chlammere stönd d Joore, wo die Könige bilait sind. Ali Joorzaale sind v. Chr.
neohethitischi König
aramäischi König vo de Bit-Adini
assyrischi Provinz sitt 856.