E Maschinegweer (churz MG, in dr Schwizer Armee Mg) isch e vollautomatischi Schusswaffe, wo mit Gweermunizion schiesst.
Maschinegweer föngen afo schiesse, wemm mä am Abzug ziet und schiesse so lang, bis mä dr Abzug wider loos loot, bis dass d Munizion usgoot oder bis es stecke blibt. Dr Mechanismus vom automatische Lade wird äntwääder dur e Gasdruck vo de Bulvergaas, dur d Chraft vom Rückstooss oder dur en Aadriib vo usse wie zum Bischbil en Elektromotor realisiert.
Die tüpische Mg-Kaliber gönge vo 5,56 mm bis öbbe 15 mm bzw. maximal bis 20 mm. Maschinegweer, wo fest iibaut bzw. uf Lafette montiert si mit eme Kaliber vo 12 bis under 20 mm wärde as schweeri Maschinegweer bezäichnet. Automatischi Schusswaffe mit eme Kaliber vo 20 mm aa si Maschiinekanone und schiesse mäistens Granate anstatt vo Massivgschoss. Maschinegweer, wo mit Bistolemunizion schiesse, wärde as Maschinebistole bezäichnet und si im allgemäine chliiner as Maschinegweer.
![]() |
Dä Artikel basiert uff ere fräie Übersetzig vum Artikel „Machinengewehr“ vu de dütsche Wikipedia. E Liste vu de Autore un Versione isch do z finde. |