D Marcela Krinke-Susmelj (* 18. Oktober 1965 z Vlašim, Tschechoslowakei; † 17. Juli 2024) isch e Dressurryteri gsii, wu fir d Schwyz aadrätten isch.[1]
D Krinke isch anne 1965 in dr Tschechoslowakei uf d Wält chuu. Si isch mit ire Familie 1968 in d Schwyz zoge. Si isch studierti Dierdokteri gsii un isch 1994 an dr Universität Zürich zue me kardiologische Thema promoviert wore.[2]
Si isch ghyrote gsii mit em jugoslawische Dressurryter Ivan Susmelj († 27. April 2024)[3]. S Baar het e Suhn, Igor (* 1992), un e Dochter, Natascha (* 1997), ghaa.[4] Anne 1996 isch d Familie uf Ebike im Kanton Lozärn zoge. Si hän s Ryterzäntrum am Rotseewäg gfiert.
Anne 2019 isch bi dr Krinke d Alzheimer-Chranket feschtgstellt wore. Am 17. Juli 2024 isch si an dr Folge vu dr Chranket gstorbe.[5]
Si isch bi dr Olympische Summerspiil vu 2016 z Rio de Janeiro, Brasilie, derby gsii un isch im Ainzelwettbewärb uf Blatz 24 chuu.
D Krinke-Susmelj isch bi drei Wältryterspiil (2006, 2010 un 2014), fimf Europamaischterschafte im Dressurryte (2005, 2007, 2011, 2013 un 2015) un drei World Cup Finals (2013, 2014 un 2016) an Start gange. Si isch bi dr Wältryterspiil vu 2010 im Ainzelwettbewärb uf Rang elf chuu.
2009 un 2010 isch si mit em Corinth Schwyzer Maischteri wore. 2012, 2013, 2016 un 2017 het si mit em Molberg dr Schwyzer Maischtertitel gwunne.
Briefig | Wärtig | Ross | Ort | Datum |
---|---|---|---|---|
Grand Prix | 74.260 | Molberg | Lyon, Frankrych | 29. Oktober 2015 |
Grand Prix Special | 74.874 | Molberg | Caen, Frankrych | 27. August 2014 |
Grand Prix Freestyle | 78.000 | Molberg | Lyon, Frankrych | 30. Oktober 2015 |
Wältcup
Dä Artikel basiert uff ere fräie Übersetzig vu dere Version vum Artikel „Marcela_Krinke_Susmelj“ vu de dütsche Wikipedia. E Liste vu de Autore un Versione isch do z finde. |