Luschnou | ||
---|---|---|
![]() |
||
Basisdate | ||
Staat: | Östriich | |
Bundesland: | Vorarlberg | |
Politische Bezirk: | Dornbirn | |
Kfz-Kennzeiche: | DO | |
Fläche: | 22,25 km² | |
Koordinate: | 47° 26′ N, 9° 40′ O | |
Höchi: | 404 m ü. A. | |
Iiwohner: | 23.843 (1. Jän. 2023) | |
Bevölkerigsdichti: | 1.071,6 Iiw. pro km² | |
Poschtleitzahlen: | 6890, 6893 | |
Vorwahl: | 05577 | |
Gmoandskennziffer: | 8 03 03 | |
NUTS-Region | AT342 | |
Adress vo dr Gmoandsverwaltig: |
Rathausstraße 1 6890 Lustenau | |
Website: | ||
Politik | ||
Burgermoaschter: | Dr. Kurt Fischer (ÖVP) | |
Gmoandsvertrettig: (2010) (36 Mitgliider) |
||
Lage der Marktgemeinde Luschnou im Bezirk Dornbirn | ||
![]() | ||
![]() Kirchplatz mit Riichshofsaal | ||
(Quelle: Gmoanddate bi Statistik Austria) |
Dialäkt: Luschnouarisch |
Luschnou (schriftdütsch Lustenau) ischt di gröüscht Marktgmouond vo Öschtriich.
Luschnou lit ar schwyzar Grenz diräkt am Rhin im ondrö voradlbäorgar Rhintal. D Nôôchbuurgmouonda siönd Höüscht, Fuößa, Lutra, Dorröbirrö, Äms und im schwyzar Kanton Sanggallö: Diöpoldsou, Widnou, Ou und Sammargreötö.
Urschpröngli ischt Luschnou us siibö vrschiidna Parzella bstandö (Haag, Wiilar, Kirchdorf, Wisörouö, Holz, Staldö und Griöndl), hützötag siönd deini abr kaum me uuszumacha, wil 's ganz Ortsgebiöt zämögwaagsö ischt.
Hützötag ischt Luschnou i drü Haupttäöl ondrtauölt: is Hasöfäöld, s Oobrdorf (Kirchdorf) und s Ondrdorf (Rhindorf).
Z'Luschnou leöband ätta 21.000 Lüt, dövouö hônd ätta 16% kön öschtriichischi Schtaatsbürgarschaft.
Luschnou isch zm eyschtô Môl am 1. Juli 887 erwähnt worö als Lustenoua, in am Schriftstuck vôm karolingischö Kaiser Karl III.
Jôhr | 1869 | 1880 | 1890 | 1900 | 1910 | 1923 | 1934 | 1939 |
Inwôônar | 3.903 | 4.164 | 5.054 | 6.221 | 8.383 | 8.265 | 8.733 | 8.773 |
Jôhr | 1951 | 1961 | 1971 | 1981 | 1991 | 2001 | 2011 | 2021 |
Iniwôônar | 10.292 | 12.582 | 15.451 | 17.401 | 18.484 | 19.707 | 21.181 | 22.821 |
Z'Luschnou git as drü Hôptschuöla, i jedar Parzeaöllö uöni, vier Volksschuöla und zechö Kiöndörgärtö. Usserdeim a HAK, HASCH und a Gymnasium.
Dar Luschnouar Dialäkt ghöuort zom Bodösejöalemannischö, ischt aber bodö rôôß andrscht as di Dialäkt vo dö andara Orta rondom.
Gaanz bsondrig für Luschnou siönd di sogenanntö Triphtonge, also drüü Seöbschtlaut hiöndrönand, wie zom Beischpiel in „Brouöt“, a „ch“ wou suus a „ss“ wär („lach mi“ für houöchdütsch „lass mich“ oder „i muöch“ für houöchdütsch „ich muss“) und ingschobni Nasale (m und n) wi zom Beischpiel in „Muns“ oder „Schumfl“. As git ou an huufö Uusdrück, wou gad z'Luschnou verwändat wörönd, wi „Pfiffös“ für „Schmetterling“ oder „Bismiötta“ und „Bisnaacht“ für „Vormittag“ und „Nachmittag“.