Les Genevez | |
---|---|
![]() | |
Basisdate | |
Staat: | Schwiiz |
Kanton: | Jura (JU) |
Bezirk: | Franches-Montagnes |
BFS-Nr.: | 6748 |
Poschtleitzahl: | 2714 |
Koordinate: | 576682 / 234050 |
Höchi: | 1'035 m ü. M. |
Flächi: | 13.64 km² |
Iiwohner: | 510 (31. Dezämber 2022)[1] |
Website: | www.lesgenevez.ch |
![]() Les Genevez | |
Charte | |
![]() |
Les Genevez isch e Gmaind vom Kanton Jura.
D Gmeind lyt im Bezirk Freibärge. S Dorf isch ringsume vo Wälder umgää. Drzue ghöre d Wyyler Le Prédame, Les Vacheries des Genevez, Les Joux und Les Bois-Rebetez. Les Embreux isch es Riedgebiet.
S Dorf isch s erschte Mol imene Dokumänt vo ane 1381 gnamset; dr Ortsname heisst dört Les Geneveys. Das Wort chunt vom latyynische Pflanzename juniperus, wo uf Düütsch Wacholder heisst und uf Französisch genévrier.
D Pfarrchile isch ane 1620 bout worde. Si isch im Joor 1935 umbout worde und het ane 2003 nöji farbegi Glasfäischte vom Chünschtler Yves Voirol überchoo. I dr Chile tuet me im ene Sarkofaag us Glas die ybalsamierti Mumie vo dr römische Märtyrerin Klara hüete, wo me im 17. Joorhundert in dr Katakombe vom Heilige Cyriakus gfunde het. En Schwyyzergardischt het dr Lyyb vo dr Heilige mit dr Erloubnis vom Papscht ane 1680 törfe is Chlooschter Äinsidle bringe. 1683 het se das em Chlooschter vo Bellelay im Jura ggä. D Mönch hend se wärend dr unrueige Zyt vo dr französische Revoluzion versteckt, und ane 1805 het se dr Apt dr Chile vo Les Genevez gschänkt.
Im ene alte Puurehuus isch s Puuremuseum vom Jura.