Kaukasus | ||
---|---|---|
![]() im Norde dr Grooss Kaukasus, im Süüde dr Chlii Kaukasus Satellitenufnaam vom Kaukasus: | ||
Höchst Gipfel | Elbrus (5.642 m) | |
Lage | ![]() ![]() ![]() ![]() ![]() Umstritte: ![]() ![]() ![]() | |
Däil vo | alpidische Gebirgsgürtel | |
| ||
Koordinate | 43° N, 45° O | |
Typ | Faltegebirg mit Vulkaancheigel | |
Flechi | 400.000 km² |
Dr Kaukasus (russisch Кавказ, Kawkas; georgisch კავკასიონი, K'avk'asioni, armenisch Կովկաս, Kowkas, aserbaidschanisch Qafqaz (vo persisch قفقاز, DMG Qafqāz), türkisch Kafkas, vo altgriechisch Καύκασος)[1] isch e Hoochgebirg in Öiraasie zwüschen em Schwarze und em Kaspische Meer, wo wääred dr alpidische Orogeneese entstande isch. Es isch öbbe 1100 Kilometer lang und goot vo Westnordwest noch Ostsüdost. Es isch Däil vom Alpidische Gebirgssüsteem und bestoot us drei Gebirgschettene, dr Grooss Kaukasus, dr Chlii Kaukasus und s Talysch-Gebirg. Die gröösst Hööchi vom Kaukasus isch 5642 Meter über em Meeresspiegel und si middleri Hööchi 602 Meter.[2] Er befindet sich uf de Territorie vo Russland, Georgie, Armenie, Iran und Aserbaidschan. Im Joor 2000 häi öbbe 30,6 Millioone Lüt in däm Gebirg und sinere nööchere Umgääbig gläbt. D Regioon vom Kaukasus isch scho im Alterdum e wichtigi Dräischiibe für e Handel gsi.
In dr Antike het dr Kaukasus e zitlan as d Gränze zwüsche Öiropa und Asie gulte. Im 18. Joorhundert häi vili afo dängge, ass d Kuma-Manytsch-Niiderig, wo öbbe 300 km nördlig vom Groosse Kaukasus ligt, die logischeri Gränze zwüsche de bäide Kontinänt weer. Aber hüte wird au z Russland dr Kaukasusgroot as d Kontinäntgränze aagluegt.
Kaukasusgebirg wird vor allem radial entwässeret. Die gröössere Flüss häi iiri Kwelle im Kaukasus:
Dr Sewansee isch äine vo de gröösste See in dr Regioon.