S Chanderli isch e hischtorischi Museumsiisebahn im Chandertal im Südweschte vo Bade-Württeberg.
D' Eröffnig vom Chanderli isch am 1. Mai 1895 nach em Bau durch d Firma Vering & Waechter gsi, wo de Betrieb 1899 an di Deutsche Eisenbahn-Betriebsgesellschaft AG (DEBG) übergeh het. 1963 isch 's Chanderli vo dr Südwestdeutschen Eisenbahnen AG (SWEG) übernoh worde.
Nach eme Dammrutsch am 4. Juli 1983 bi Kandern-Wollbach isch de Verkehr zwüsche Wollbach un Kandere, de Personenverkehr offiziell zuem Dezämber 1983 igschtellt worde. D' Ischtellig vom Güeterverkehr bis Wollbach isch am 1. April 1985 gsi.
Sit 1986 betribt de Zweckverband Kandertalbahn do e Museumsbahn. Zuewile wird di Bahn hüte no brucht um Holz z' transportiere.
S' Chanderli zwigt z' Haltige (6 km nördlich vo Basel) vo dr Rhiitalbahn ab un füehrt über e Schträcki vo 13 km durch 's Chandertal noch Chandere am Fueß vom Hochblaue.
Bahnhöfe und Haltepunkte | Streckenkilometer |
---|---|
Haltige | 0,0 |
Binze | 2,4 |
Rümmige | 4,5 |
Wittlige | 6,2 |
Wullbach | 7,4 |
Hammerschte | 9,9 |
Chandere | 12,9 |
Personewage us em 19. un 20. Johrhundert komplettiere de Fahrzügpark.