D Jutta Kammann (* 22. Merz 1944 z Hoedna) isch e dytschi Schauspiileri.
D Kammann isch bi ire Mueter ufgwagse. Speeter het si z Köln as Statischti un Model gschafft, vooreb si ne Uusbildig an dr Weschtfälische Schauspiilschuel Bochum gmacht het.
Mer chännt d Kammann dur vyl Ufdritt in dr Krimiseerine Derrick un Der Alte. Vu 1998 bis 2014 het mer si as Ooberschweschter Ingrid Rischke in dr Chrankehuusseerine In aller Freundschaft chenne sääne, vooreb d Roll no iiber 600 Ufdritt vu dr Produzänte us dr Seerie gschriibe wooren isch. Zum Abschiid vum Dieter Bellmann, irem langjeerige Seeriepaartner, het si in dr Folg 833 nomol e Gaschtufdritt ghaa.[1]
D Jutta Kammann läbt syter anne 2014 z Minche in dr Seniooreresidänz Augustinum.[2][3] Ire Lääbesgfäärt isch ab dr Mitti vu dr 1960er Joor bis zue sym Dood anne 1992 dr Fäärnseereschiseer Wilhelm Semmelroth gsii.
Dä Artikel basiert uff ere fräie Übersetzig vu dere Version vum Artikel „Jutta_Kammann“ vu de dütsche Wikipedia. E Liste vu de Autore un Versione isch do z finde. |