Dr Johann Rudolf Feyerabend (* 1779 z Baasel; gstorbe 1814 z Baasel) isch e Baasler Mooler gsi.

Dr Feyerabend isch au under em Psöidonüüm Lelong bekannt. Dä Naame het er brucht, won er e zitlang im franzöösische Caen gläbt het. Er isch dr Soon vom Kunstmooler und Karikaturist Franz Feyerabend und dr Christina, geb. David, gsi und isch bim Vater in d Leer gange.

Dr Feyerabend het vor allem Bordret, Blueme und chliiformatigi Stillääbe gmoolt. Wie si Vater het er au e spitzigi Fäädere gha und Karikatuure vo Baasler Honorazioore zäichnet. Bsundrigs wichdig isch d Kopii, won er vom Baasler Dootedanz gmacht het, bevor dä abbroche worde isch.

• Meier: Aus dem alten Basel: Ein Bildband mit Geschichten aus der Anekdotensammlung von Johann Jakob Uebelin (1793–1873), Springer-Verlag, 2013