Under em Jerusalemer Tämpel (hebr. בֵּית־הַמִּקְדָּשׁ, Bet HaMikdasch) verstoot mä uf dr äinte Site dr Tämpel vom Salomo, wo am Aafang vom 6. Jh. v. d. Z. wo de Babylonier zerstört worde isch, uf dr andere Site dr sognennti Zwäit Tämpel, wo 515 v. d. Z. baut und 70 n. d. Z. vo de Römer zerstöört worde isch.

Dr erst Tämpel

Dr erst Jerusalemer Tämpel isch noch dr Daarstellig in dr Bible vom Salomo uf em Zion baut worde. Archeologe näme allerdings aa, ass dä Tämpel grad wie die „salomonische“ Baläst erst öbbe zwäihundert Joor noch dr Herrschaft vom Salomo baut worde isch.^[1] Sälle Tämpel isch zämme mit dr ganze Stadt Jerusalem zerstöört worde, wo d Babylonier under em Nebukadnezar II. s Riich Juda 586 v. d. Z.^[2][3] eroberet häi.

Dr zwäit Tämpel

Noch em babylonische Exil isch z Jerusalem e zwäite Tämpel baut worde, so wie s d Bible verzellt under dr Herrschaft vom persische Köönig Dareios I. Dä Tämpel isch um 170 v. d. Z. vo de Helleniste für e Zit zum Zeushäiligdum umfunkzioniert worde. Vom Joor 21 v. d. Z. het en dr Herodes dr Grooss vo Grund uf umbaut und erwiteret. Wo d Römer schliesslig dr Ufstand vo de Juude häi chönne zämmeschloo, häi si dr Tämpel im Joor 70 n. d. Z. zerstört. Die westligi Umfassigsmuure vom zwäite Tämpel isch bis hüte erhalte, und isch as Chlaagemuure bekannt. Uf em Tämpelbärg sälber stöön hüte dr Felsedom und d al-Aqsa-Moschee, wo noch de häilige Stette z Mekka und Medina zu de bedütendste Häiligdümer für Muslim ghööre.

Litratuur

• Theodor A. Busink: Der Tempel von Jerusalem. Von Salomo bis Herodes – eine archäologisch-historische Studie unter Berücksichtigung des westsemitischen Tempelbaus. Bd. 1, Leiden 1970; Bd. 2, Leiden 1980.
• Israel Finkelstein, Neil A. Silberman: Keine Posaunen vor Jericho. Die archäologische Wahrheit über die Bibel. C.H.Beck, Münche 2002, ISBN 3-40-649321-1.
• Paul von Naredi-Rainer: Salomos Tempel und das Abendland. Monumentale Folgen historischer Irrtümer. DuMont, Köln 1994, ISBN 3-77-011870-7.
• Helmut Schwier: Tempel und Tempelzerstörung. Untersuchungen zu den theologischen und ideologischen Faktoren im ersten jüdisch-römischen Krieg (66–74 n. Chr.). Vandenhoeck & Ruprecht, Göttinge 1989, ISBN 3-525-53912-6.
• Wolfgang Zwickel: Der salomonische Tempel (Kulturgeschichte der Antiken Welt 83). von Zabern, Mainz 1999, ISBN 3-8053-2466-9.

Weblingg

 Commons: Dr Jerusalemer Tämpel – Sammlig vo Multimediadateie

Fuessnoote

1. ↑ Finkelstein/Silberman: Keine Posaunen vor Jericho. C.H. Beck, Münche 2002, S. 255.
2. ↑ Christoph Levin: Das Alte Testament. Beck, Münche 3. Uflaag 2006. (C.H.Beck Wissen 2160), ISBN 3-406-44760-0, S. 127.
3. ↑ Ton Veerkamp: Die Welt anders. Politische Geschichte der Großen Erzählung, Hamburg: Argument Verlag 2012, ISBN 978-3-88619-353-0, S. 68

Dä Artikel basiert uff ere fräie Übersetzig vum Artikel „Jerusalemer_Tempel“ vu de dütsche Wikipedia. E Liste vu de Autore un Versione isch do z finde.

31.7776535.23547Koordinate: 31° 46′ 39,5″ N, 35° 14′ 7,7″ O