Hilf

• Willchuu
• Navigation

• Namesruum

• Nutzerchonto
• Ändere

• Site bearbeite

• Bearbeitigskonflikt
• Neui Site aaleege

• Tekschtgstaltig
• Link

• Uff anderi Sproche verwiise
• Anderi Wikis verlinke
• Datebanklinks
• Permanentlink

• Inhaltsverzeichnis
• Internationalisierig
• Sunderzeiche

• Syteverwaltig
• Bild un Doon
• Wikipedia-Handbuech
• Glossar

Link, (elekdronischi) Verwys oder au Verbindige sin Tekschtstelle oder anderi Objäkt wie zum Bispyl Bilder, wo de Läser züe-n-re andere Internetsite witerleite, wenn er druffklickt.

Achtig: D'Groß- und Chleischrybig müeß immer stimme, ansunschte leitet eine de Link zu de falsche Site witer oder es wird einem bim Druffdrucke e Fehlermäldig azeigt, wenn's d'Site nit git.

In de MediaWiki-Syntax werre alli Link, wo züe-n-re andere Site im glyche Brojäkt witerleite, blau dargstellt. Wenn's d'Zylsite no nit git, no sin si dunkelrot (in mänke andere Brojäkt au rot). Wenn dr mit de Mus drufffahrsch, no wird dr d'Zylsite azeigt.

Di brojäktintärne Link werre mit zwei äckige Chlammere generiert; s Brogramm wandelt säll deno automatisch in e Link um.

Wë mer also [[Houptsyte]] ygit, no wird des als Houptsyte azeigt.

Es git no e wichtigi Funktion für di brojäktintärne Link: wenn dr öbbis anders azeige lo wottsch wie de Name vo de Zylsite, no chasch innerhalb vo de Chlammere de Name vo de Zylsite schrybe, denoch e senkrächte Strich und zletscht de Tekscht, wo dr azeige lo wottsch.

Wenn dr zum Bispyl [[Houptsyte|Hauptsite]] ygisch, no siht des eso us: Hauptsite (es wird uff d'Houptsyte verwyse, aber Hauptsite azeigt).

Mit me senkrächte Strich (|) chasch dr e bitz Schribarbet spare; wenn dr en am Änd vom Link ysetzisch. Es werre automatisch de Namesruum und Usdrück in Chlammere oder hinder me Komma ewegglo.

Bispyl:

• [[Wikipedia:Hilfe|]] → Hilfe
• [[Jupiter (Planet)|]] → Jupiter
• [[James Hamilton, 1. Duke of Abercorn|]] → James Hamilton

Z beachte isch, dass bi de Alemannische Wikipedia (fast) alli Site under em hochdütsche Titel aglegt werre und Alemannischi Witerleitige nit gwünscht sin.

Wenn dr uff e Kategorye- oder Dateisite verwyse wottsch, no darfsch nit [[Kategorie:XXX]] bzw. [[Datei:XXX]] ytippe – säll hätt zur Folg, dass d'Site in sälli Kategory ygordnet wird bzw. säll Bild in d'Site ybunde wird.

Uss dem Grund müesch bi so me Link diräkt noch de beide Chlammere e Doppelpunkt setze. Sälle wird deno nümmi azeigt.

Bsp. 1: [[:Kategorie:!Hauptkategorie]] wird zu Kategorie:!Hauptkategorie. Falsch wär [[Kategorie:Hauptkategorie]], wyl dodemit d'Site kategorisiert werre dät.

Bsp. 2: [[:Datei:Wikipedia-logo-big.png]] wird zu Datei:Wikipedia-logo-big.png. Falsch wär [[Datei:Wikipedia-logo-big.png]], wyl dodemit s Bild ybunde wird.

Wenn de nit uff e ganze Artikel, sondern uff eine vo sine Abschnitt verwyse wottsch, no hänksch an de Titel s Zeiche # und noch sällem de vollständig Titel vom Kapitel a. E Verwys uff dä Abschnitt mießt also eso usseh: [[Hilfe:Links#Verwys uff einzelni Kapitel oder Underkapitel]]

Wenn de froglig Abschnitt im glyche Artikel isch, no chasch de Sitetitel eweglo: [[#Wiki-interni Link]] chunnt also uff derre Site eso use: #Wiki-interni Link.

E Link, wo uff e anders Wikimedia-Brojäkt (zum Bispyl uff e anderschtsprochigi Wikipedia, d'Allmänd usw.) verwyst, wird hällblau azeigt.

Wenn dr uff e anderi Wikipedia verwyse wottsch, no müesch s ISO-639-Chürzel,^[1] ygschlosse vo zwei Doppelpünkt ygee.

Bispyl: [[:de:Hauptseite]] wird zu de:Hauptseite

Achtig: Vergiss de Doppelpunkt am Afang nit, ansunschte wird de Link zu me Interwiki-Link!

Für e Link uff e anders Wikimedia-Brojäkt wie d'Wikipedia wird vor de erscht Doppelpunkt no e brojäktabhängigs Bräfix gstellt.

Also: [[wikt:de:Hauptseite]] wird als wikt:de:Hauptseite azeigt.

Bi Brojäkt wie d'Allmänd oder s Metawiki, wo's numme ei Sprochversion git, müeß mer s Sproch-Chürzel eweglo:

[[commons:Main page]] (und nit [[commons:en:Main page]] oder ähnlig), wo zu commons:Main page wird.

Witeri Bräfix, wo dr do bruche chasch

• b: für d'Wikibooks
• d: für Wikidata
• q: für s Wikiquote
• s: für s Wikisource
• v: für d'Wikiversity
• w: für d'Wikipedia (wird numme uff andere Brojäkt wie de Wikipedia brucht)
• wikispecies: für d'Wikispecies
• meta: für s Metawiki
• bugzilla: für de Bugzilla

Nadürlig chasch au do e andere Tekscht azeige lo wie de Name vo de Zylsite. Säll funktioniert genau glych wie bi de brojäktintärne Link (lüeg obe).

Link uff e beliebigi Internetsite, des heißt au usserhalb vo de Wikimedia-Brojäkt, werre im glyche Hällblau azeigt wie di wiki-intärne, züesätzlig hät's aber hindedra no e Pfyl. In mänke Brojäkt (Bsp. Dütschi Wikipedia) wird dä nit azeigt.

Zum di extärne Link darstelle häsch drei Mögligkeite:

• Dr gisch eifach d'Internetadräss mit em http:// y. Si wird im Artikel eso azeigt.

Bsp: http://als.wikipedia.org wird zu http://als.wikipedia.org

• Dr schließisch d'Internetadräss in ei (!) äckigi Chlammere y. Säll wird als [1] azeigt. Wenn's uff einer Site mehreri vo denne Link hät, no werre si durenummeriert.

Bsp: [http://als.wikipedia.org] wird zu [1]. Wenn dr's no mol ygisch, no erschynt e [2].

• Dr fangsch mit einere (!) äckige Chlammer a und gisch d'Internetadräss, gfolgt vo me Leerschlag und me beliebige Tekscht. Zletscht chunnt e gschlosseni Chlammer ane. Im Artikel wird deno de "beliebig Tekscht" azeigt.

Bsp: [http://als.wikipedia.org Di Alemannischi Wikipedia] wird zu Di Alemannischi Wikipedia.

Au Bilder chönne zu Schaltfläche werre. Dodezüe bindsch s Bild normal in de Artikel y^[2] und fiegsch de Parameter |link= y. Uff sälle müeß e Internetadräss folge.

Bispyl: [[Datei:Alemannisch.png|100px|link=http://als.wikipedia.org]] siht eso us:

Bitte beachte:

• Extärni Link im Fließtekscht sin nit gwünscht! Säll gältet au für wiki-intärni Link. Si dürfe am Änd vom Artikel under me Kapitel Extärni Site oder ähnlig uffglistet oder durch e Referänz an de Fließtekscht agschlosse werre. Usnahme cha mer bi Vorlage mache.

• Di brojäktintärne Link sin numme dänn sinnvoll, wenn de Läser vo me Artikel sich für s Thema indrässiere chönnt. Wenn dr also i me Artikel schribsch ... Lörrach isch 39,42 Quadratkilometer groß und hät rund 47'000 Ywohner ..., no setz nit bi Quadratkilometer oder Ywohner e Link uff di entsprächende Artikel – öbber, wo de Artikel über Lörrach lyst, wird sich nit defür indrässiere, was e Quadratkilometer oder e Ywohner isch. Wenn dr aber schribsch ... Lörrach gränzt im Weste an Wyl am Rhy ..., no isch's durchus sinnvoll, bi Wyl am Rhy e Link z setze, wyl sich de Läser villicht au für d'Umgebig vo Lörrach indrässiert.

• Sottsch e Kapitel Lüeg au alege, no sin dört Link unbedingt nötig. Link uff Site, wo's nit git, sotte aber numme dänn dinnestoh, wenn's sicher isch, dass es d'Zylsite ball git.

• Es längt, wë mer uff e Artikel eimol e Link leit. Bsunders wenn e Thema zweimol im glyche Satz erwähnt wird, längt ei Link.

• Verwys nit uff Artikel, wo di Alemannischi Wikipedia nie ha wird! Es isch relativ unwohrschinlig, dass je öbber e Artikel über Peking-Yanqing (e Stadtdeil vo Peking) schribt; s rote Link isch also völlig nutzlos und stört numme bim Läse.

• Längeri Liste vo rote Link sin in Artikel nit gwünscht. Für eso öbbis git's eigeni Liste-Site, wo aber au numme dänn öbbis bringe, wenn's hauptsächlig blaui Link dinne hät.

• In de Titel vo de Kapitel und Underkapitel werre keini Link gsetzt.

1. ↑ Für e Liste vo Chürzel lüeg do
2. ↑ Wie des goht, erfahrsch do.