De Gross Rot vom Kanton Aargau isch s Kantonsparlamänt (d Legislative) vom Kanton Aargau i de Schwiiz.
Bi dr Gründig vom Kanton Aargau ane 1803 isch au de Grossrot ygsetzt wurde. Das isch i der Mediazioonsakte so feschtgleit gsi, wo vo Paris aus der Schwiiz e neui Verfassig ggä het. Die isch am 10. Merze 1893 in Kraft trätte, ohne dass do drüber s Volch hält chönne-n abstimme.
Di nöi Verfassig vom Aargau, wo als Bestandteil vo de Mediazioonsakte erloo worden isch, het für d Wahl vom Grossroot es kompliziert Sischteem vorgsee. S aktive Wahlrächt händ d Manne vom Aargau gha, wo s Bürgerrächt im Kanton gha händ und wo verhürootet und zwänzg Joor alt oder nit verhürootet und drissg Joor alt gsi sind, aber nur die, wo nes bestimmts Vermöge gha händ. Wär Armeunderstützig pruucht hät, wär Handwärchsgsell gsi isch, Frömdi, wo im Kanton nur s Niderlassigsrächt gha händ, d Fraue und d Juude händ nit dörfe go wähle.[1]
Dr Aargauer Grossroot hat 1803 150 Mitglieder gha. Dr Parlamäntspresidänt isch am Anfang für jede Session nöi gewählt worde.
Ane 1829 isch z Aarau s Grossrootsgebäu fertig gsi.
In de Legislaturperiode 2005–2009 het er zum erschte Mol numme no 140 Sitz gha, im Gägesatz zu de 200 Sitz vorher. Gwählt wird de Rot vo de schtimmberechtigte Aargauer für jewils 4 Johr. Di 11 Bezirk vom Kanton sin gliichzitig di 11 Wahlbezirk. Bi de Wahle am 8. März 2009 isch für d Sitzverteilig s erschti Mol s sognannt doppelt proportionale Zueteiligsverfahre (de «dopplet Pukelsheim») aagwändet worde, nachdem s Bundesgricht de vorherig Wahlmodus für ungültig erklärt gha het.
Bi de Wahle vo 1997 bis 2020 hend di aaträtende Partei und Gruppierige folgendi Sitzzahle und Stimmaateile erreichd:[2] Ab em 2005 het de Grossi Rat nümm 200, sondern numme 140 Sitz.
Sitzverteilig | 2020 | 2016 | 2012 | 2009 | 2005 | 2001 | 1997 | |
---|---|---|---|---|---|---|---|---|
SVP | 43 Sitz | 45 Sitz | 45 Sitz | 45 Sitz | 46 Sitz | 72 Sitz | 47 Sitz | |
FDP/LP | 21 Sitz | 22 Sitz | 22 Sitz | 20 Sitz | 24 Sitz | 40 Sitz | 40 Sitz | |
SP | 23 Sitz | 27 Sitz | 22 Sitz | 22 Sitz | 30 Sitz | 36 Sitz | 48 Sitz | |
CVP | 18 Sitz | 17 Sitz | 19 Sitz | 21 Sitz | 26 Sitz | 32 Sitz | 37 Sitz | |
Grüne | 14 Sitz | 10 Sitz | 10 Sitz | 13 Sitz | 7 Sitz | 7 Sitz | 6 Sitz | |
GLP | 13 Sitz | 7 Sitz | 8 Sitz | 5 Sitz | --- | --- | --- | |
EVP | 6 Sitz | 6 Sitz | 6 Sitz | 6 Sitz | 7 Sitz | 8 Sitz | 8 Sitz | |
BDP | --- | 4 Sitz | 6 Sitz | 4 Sitz | --- | --- | --- | |
EDU | 2 Sitz | 2 Sitz | 2 Sitz | 2 Sitz | --- | --- | 1 Sitz | |
SD | --- | --- | --- | 2 Sitz | --- | 4 Sitz | 7 Sitz | |
FP | --- | --- | --- | --- | --- | 1 Sitz | 4 Sitz | |
LdU | --- | --- | --- | --- | --- | --- | 2 Sitz | |
Gesamt | 140 Sitz | 140 Sitz | 140 Sitz | 140 Sitz | 140 Sitz | 200 Sitz | 200 Sitz |
Stimmeaateil | 2020 | 2016 | 2012 | 2009 | 2005 | 2001 | 1997 | |
---|---|---|---|---|---|---|---|---|
SVP | 30,3 % | 31,9 % | 32,0 % | 31,9 % | 30,3 % | 33,5 % | 21,9 % | |
SP | 16,6 % | 18,9 % | 15,2 % | 15,7 % | 19,7 % | 18,6 % | 21,7 % | |
FDP/LP | 14,7 % | 16,0 % | 15,4 % | 14,3 % | 16,9 % | 19,0 % | 19,6 % | |
CVP | 12,8 % | 12,1 % | 13,3 % | 15,0 % | 17,5 % | 15,0 % | 17,3 % | |
Grüne | 10,1 % | 7,1 % | 7,4 % | 8,9 % | 6,8 % | 4,0 % | 3,5 % | |
GLP | 9,2 % | 5,3 % | 5,5 % | 3,5 % | --- | --- | --- | |
EVP | 4,2 % | 4,1 % | 3,9 % | 4,5 % | 5,7 % | 4,9 % | 4,3 % | |
EDU | 1,6 % | 1,8 % | 1,7 % | 1,8 % | 0,7 % | 1,0 % | 1,3 % | |
BDP | --- | 2,7 % | 4,4 % | 3,1 % | --- | --- | --- | |
SD | --- | --- | 0,7 % | 1,2 % | 1,3 % | 1,8 % | 3,2 % | |
LdU | --- | --- | --- | --- | --- | 1,4 % | --- |
Dr Grossrot vom Aargau wird vom Grossrotspresidänt oder de Grossrotspresidäntin gleitet. Es git es Vizepräsidium 1 und es Vizepräsidium 2, wobi di jewilige Inhaber in de Regel jedes Johr ei Position fürre rütsche.
Lueg au:
Lischte vo de Mitgliider vom Grosse Rot vom Kanton Aargau:
Grosser Rat uf ag.ch