S ZH im Lemma isch s offiziell Chürzel vom Kanton Züri und wird bruucht, zum Verwächslige mit Yträäg vom Name Greifensee vermyde, wo öppis anders meined. |
Greifensee | |
---|---|
![]() | |
Basisdate | |
Staat: | Schwiiz |
Kanton: | Züri (ZH) |
Bezirk: | Uschter |
BFS-Nr.: | 0194 |
Poschtleitzahl: | 8606 |
Koordinate: | 693682 / 246912 |
Höchi: | 439 m ü. M. |
Flächi: | 2,30 km² |
Iiwohner: | 5329 (31. Dezämber 2022)[1] |
Website: | www.greifensee.ch |
Zentrum vo Grifesee | |
Charte | |
![]() |
Griiffesee (amtlich Greifensee) isch e politischi Gmeind im Bezirk Uschter vom Kanton Züri i de Schwiiz.
Griiffesee liit im Züri Oberland. Als einzige Ort am Griiffesee liit das alt Stedtli diräkt am Uufer. A d Gmeind gränzed d Ort Uschter, Nänike, Voletschwyl, Schwèrzebach und über em See sind Fälande und Muur.
Us früechrischtliche Zyt sind zahlrichi Spure vo Pfahlbouer gfunde worde.
Griiffesee isch zum eerschte Mal gnamset worde im Jaar 1260 als Grifense. Der Ort isch rund um s Schloss Griiffesee entstande, wo im 12. Jahrhundert vom Graf vo Rapperschwil poue worde isch.
1402 isch d Herrschaft a d Stadt Züri verpfändt worde und isch sithèr dène ihri Landvogtei. Berüemt isch vor allem de Salomon Landolt, wo vo 1781 bis 1786 da ghèrrscht het. S Schloss Griiffesee isch im alte Zürichrieg 1444 zerstört worde. Vo de 64 Verteidiger wèrded 62 uf de Bluetmatt z Nänike vo den Eidgenosse gchöpft (Mord vo Griifesee). Im 16. Jahrhundert wird s Schloss wider uufpoue. Vo 1781 bis 1787 isch de Salemaa Landolt Landvogt vo Griiffesee gsii.
1831 isch de Bezirk Uschter gschaffe worde und Griiffesee hät dadedur sini politisch Bedüütig als Verwaltigszäntrum verloore.
S chlii Zürcher Landstedtli hät na hüt en hübsche, historische Ortschern.
Johr | 1634 | 1799 | 1836 | 1900 | 1950 | 1960 | 1970 | 1980 | 1990 |
Iiwohner | 133 | 278 | 406 | 289 | 279 | 421 | 2674 | 5440 | 5300 |
Johr | 1995 | 2000 | 2001 | 2002 | 2003 | 2004 | 2005 | 2010 | 2013 |
Iiwohner | 5038 | 5202 | 5256 | 5219 | 5210 | 5198 | 5111 | 5094 | 5308 |
De Uusländeraatäil liit bi 17 % (Stand 2011).[2]
38,6 % vo de Iiwooner sind evangelisch-reformiert, 28,1 % sind römisch-katholisch (Stand 2011).[2]
Bi de Kantonsraatswaale 2011 hät s das Ergebnis ggää: BDP 5,7 %, CVP 7,0 %, EDU 3,4 %, EVP 2,1 %, FDP 15,5 %. GLP 13,4 %, GP 10,9 %, SP 19,5 %, SVP 21,1 %, Suschtigi 1,4 %.
Gmäindspresidänt isch de Beat Brand (Stand 2012).
D Arbetslosigkäit isch im Jaar 2010 bi 3,2 % gläge.[2]
De züritüütsch Tieläkt vo Griiffesee ghört zue de Oberländer Mundarte.