Dr Thomas Wright Waller, besser bekannt as Fats Waller (* 21. Mai 1904 in Harlem, Nöi York; † 15. Dezämber 1943 im Santa-Fé-Express in dr Nööchi vo Kansas City an ere Lungenentzündig) isch e bekannte Dschääspianist, Organist, Komponist und Dschäässänger gsi. Dr Waller het e groossi Bedütig in dr Entwigglig vom früeje Dschääs vo de 1920er Joor zum Swing vo de 1930er und 1940er ghaa und het dr Stride-Piano-Stiil zu äim vo de maassgääblige Klavierstiil vom Swing gmacht. Si Bänd, Fats Waller and His Rhythm, wo u. a. dr Al Casey, dr Herman Autrey und dr Harry Dial drbii gsi si, isch äini vo de beste chliine Swing-Bänds gsi. Dr Waller het mit iire und andere Bänds Blatte ufgnoo. As Entertainer mit sine lustige Liederteggst het men en im ganze Land uf em Radio chönne ghööre. Er het in drei Hollywoodmiusikl mitgschafft und 1942 het er e Konzärt in dr Carnegie Hall in Nöi York gee.
Weblingg
|
Dä Artikel basiert uff ere fräie Übersetzig vum Artikel „Fats_Waller“ vu de dütsche Wikipedia. E Liste vu de Autore un Versione isch do z finde.
|
Commons: Fats Waller – Sammlig vo Multimediadateie