Wappa | Deitschlandkart | |
---|---|---|
![]() |
| |
Basisdata | ||
Dialekt: | Alemannisch | |
Hauptvariante: | Schwäbisch | |
Regionalvariante: | Mittelschwäbisch | |
Bundesland: | Bade-Wirttebärg | |
Regierongsbezirk: | Dibenga | |
Kroes: | Alb-Done-Kroes | |
Heh: | 495 m i. NHN | |
Fläch: | 55,6 km² | |
Eiwohner: |
16.667 (31. Dez. 2022)[1] | |
Bevelkerongsdicht: | 300 Eiwohner je km² | |
Boschtloetzahl: | 89134 | |
Vorwahlen: | 07304, 0731 | |
Kfz-Kennzoeche: | UL | |
Gmoedsschlissel: | 08 4 25 141 | |
NUTS: | DE145 | |
Adress vo dr Gmoedsverwaltong: |
Marktplatz 2 89134 Blaustein | |
Webpräsenz: | ||
Birgermoeschter: | Thomas Kayser | |
Lag vo vo de Gmoed Blauschdoi em Alb-Done-Kroes | ||
![]() |
Dialäkt: Schwäbisch |
Blauschdoi (dt. Blaustein) isch a Schdat em Alb-Dona-Krois en Bada-Wirttaberg. Mid guad 15.000 Eiwonr isch se d zwôidgreaschda Schdad em Landkrôis.
Blauschdoi laid weschdlich vo Olm auf ra Heahe zwischa 490 ônd 690 Meadr. Zu ram g'herad Doil vo dr Schwäabischa Alb, am Hochsschdräss, s Blaudal, s Laudrdal ond andre gloinre Däalr. D'rch d Schdad fliaßad d Fliss Blau ônd d Glôina Laudr, dia em Ordsdoil Laudra endschbrengd.
Zu Blauschdoi gherad d Ortsdoil Arnegg, Bärmarenga, Ehraschdoi, Herrlenga (mid Obrherrlenga), Klingaschdoi, Margbronn, Weidach (mid Laudra ond Hoaschdoi) ond Wippenga.
Blauschdoi isch scho seid dr Schdoizeid b'siadlad gwea. S gheid au jôngschdaizeidliche, reamische, middlaldrliche ond nadierlich au neizeidliche Fônde. As 6000 Jôhr alde Jôngschdaizeidliche Dorf en Eraschdoi aus dr Zeid vo dr Schussariadr ônd dr Michlsbärgr Kulduur isch 2011 ens Weldkulduurärbe vo dr UNESCO aufgnoa worra.
Bis 1810 isch Blauschdoi a rachdr Fliggadebbich vo ondrschiadliche Herrschafda ond Hr'schafdsadoel gwea. Jeadr Flägga hodd zu ra andra Herrschafd g'herd (Olm, Glôaschdr Seaflenga, Bernhausa-Härrlenga, Wirddabärg, Deitschherra ond ville meh). Manche Flägga hend au gleichzeidich zu mähr're gherd. Au d'Religio war, ond isch en de ondrschieadliche Flägga ondrschieadlich. Grob gsaid send dia Flägga em Daal kadolisch ond dia auf am Hochschdräss ônd dr Alb z'meischd evangelisch.
Blauschdoi isch bis en de 1860er Jôhr arg vo dr Landwr'dschafd präagad gwea. Erschd dr Bau vo dr Eisabaleanee zwischa Olm ond Blaubeira 1868 hodd d'rzua g'fierd, dass zômendeschd de Flägga em Daal nôch ond nôch enduschdrialisierd wôrra send. Am bekanndaschda war d Fabrigg vo de Hômml-Laschdr en Eraschdoi, ônd d' Kallg-Schdoibrich.
D aigadlicha Gmoid Blauschdoi isch erschd am 1. September 1968 durch dr Zammeschluss vo de Gmoida Ehraschdoi ond Klengaschdoi endschdanda. Dôdrbei isch au dr Nama von dr Gmaid nei erfonda worra, endeam ma da Nama vom Fluss Blau mid de Endônga von de boide alde Ordsnama "-schdoi" zu Blauschdoi kombenierad hodd. Bei dr Gmoidsreform en de 1970er Jôhr send dann am 1. Juli 1971 au Margbronn-Diadenga ond Arnegg eigmaidadd wôrra. Am 1. Ogdobr 1974 send dann Bermarenga ond Wibbinga drzua ko, ond nach lengre grichdliche Ausanandrsetzonga am 1. Jännr 1975 au Herrlenga midd Obrherrlenga, Laudra, Hoaschdoi ond Weidach. Seid am 1. Ogdobr 2014 isch Blauschdoi a Schdad.
Blaostoe gherd zu koinra Verwaltongsgmoischafd.
Dr Birgermoeschder vo Blauschdoi isch dr Thomas Kayser.
Ergäbnis vo de Landdagswahla seid 2006:[2]
Johr | CDU | Greane | SPD | FDP | Lenke1 | AfD | Sonschtiche |
2016 | 26,8 % | 33,1 % | 14 % | 7,5 % | 2,3 % | 12,6 % | 3,8 % |
2011 | 40,4 % | 23,5 % | 23,3 % | 4,4 % | 3 % | 5,4 % | |
2006 | 43,7 % | 17,1 % | 24,6 % | 8 % | 3,2 % | 3,5 % |
1 2006: WASG, seid 2011: Die Linke
Dr Dialäggd vo Blauschdoi ghert zom Schwäbisch. D regionala Variande isch as Middlschwäabisch.