Bad Ragaz | |
---|---|
![]() | |
Basisdate | |
Staat: | Schwiiz |
Kanton: | St. Galle (SG) |
Wahlchrais: | Sargaaserland |
BFS-Nr.: | 3291 |
Poschtleitzahl: | 7310 |
UN/LOCODE: | CH BRZ |
Koordinate: | 756792 / 207729 |
Höchi: | 516 m ü. M. |
Flächi: | 25.37 km² |
Iiwohner: | 6663 (31. Dezämber 2022)[1] |
Website: | www.badragaz.ch |
![]() Bad Ragaz vom Wartestai us | |
Charte | |
![]() |
Bad Ragaz (bis 1937 nu Ragaz) isch e politeschi Gmaind im Waalchrais Sargaaserland vom Kanton Sangale.
S Dorf Bad Ragaz lyt am Rand vo dr Rhyebeni, bim Usgang vo de Tamina us dr Taminaschlucht, wo sid em Middelalter es Hailbaad drinn gsi isch, s Wildbad Pfeefers.
Gege Weschte goot s Gebiet vo dr Gmaind über wyti Alpe bis an Rand vom Bärgmassyv vom Pizol ue.
D Nochbergmainde vo Bad Ragaz sind Landquart, Mäiefäld, Fläsch, Pfeefers, Mels und Vilters-Wangs.
S Dorf Ragaz hät früener zäme mid de Wyler vom hütige Pfeefers zum Gebiet vo de ehemolige Abtei Pfeefers ghört. Am 6. Merze 1446 hät im Alte Zürichrieg i dr Auelandschaft am Rhy d Schlacht bei Ragaz stattgfunde.
Im 19. Jaarhundert isch s warme Kwellwasser us dr Schlucht deils uf Ragaz use gfüert worde, und sid 1840 isch s Kurbaad vom Dorf, hüt Grand Resort Bad Ragaz, wyt über d Landesgränze us berüemt. I de 1880er Joore hät d Johanna Spyri z Ragaz iry Gschichte vom Bärgmäitli Heidi gschribe.
Bad Ragaz isch im Inväntaar vo de schützenswärte Ortsbilder vo dr Schwiiz ISOS ufgfüert.[2]
D Gmaind hät vil sehenswärti Gebäud: