Alain Delon (2019)
Dialäkt: Mìlhüüserisch

Dr Alain Delon (* 8. Novamber 1935 z Sceaux, Île-de-France) ìsch a frànzeescher Filmschàuispìeler[1]. Bsunderscht ìn da 1960er un 1970er Johra, hàt ar bi da wìchtigschta Perseenligkeita vum Frànkrìch gheert. Ar hàt meischtens ìn Àktionfilm gspìelt, wo-n-ar àls stàrker un mannliger Held vorgstellt wìrd.

Jugend

Sina Eltra han gscheida, wo dr Alain Delon viar Johr àlt gsìì ìsch. Ar ìsch àlso ìn era àndra Fàmìlia ufgwàchsa, wo dr Vàter ìm Gfangnis vu Fresnes gschàfft hàt, un speeter ìn dr kàtolischa Pànsion vu Saint-Nicolas d'Igny, wahrend sinera Jugend. Zìmlig undizipliniart àls Schüeler, ar ìsch sechs mol vu verschìedena Schüela furtgschìckt worra.

Wo sina Müeter a Metzger àls zweita Ehe ghirota hàt, ìsch dr Alain Delon bim Pààr ge wohna un hàt glehrt fer Meztger wara un s Gschaft vu sim Stiafvàter witterscht namma, àwer ohna großa Begeischterung.

Mìt 14 Johr àlt hàt'r ìn'ma kurzer Film gspìelt, „Le Rapt“, dreiht dur a Frìnd vu sim Vàter.

Ànna 1952, mìt 17 Johr àlt, ìsch'r Màrinesoldàt worra, ar ìsch uf Saïgon wahrend em Indochina-Kriag.[2]

Ànna 1956 ìsch'r uf Pàris zruck kumma, ar hàt gschàfft irgend wo-n-a Glagaheit gsìì ìsch, zum Beispiel uf em großa Gmiasmarkt „Les Halles“. Do hàt'r d Unterwalt lehra kenna, mìt Gàngster un Gigolos. Si traffa mìt dr Schàuispìelera Brigitte Auber un sina Scheenheit han ìhm àwer a àndra Rìchtung màcha z'namma: ar hàt ìm Pàrisser Viartel Saint-Germain-des-Prés dr Jean-Claude Brialy ààtroffa, wo'na àm Festival de Cannes iglàda hàt, un do hàt'r mìt Erfolg a erschter Kontàkt mìt em Schàuispìeler-Berüef känna màcha.

Karriar

Dr Alain Delon hàt ànna 1957, dur sina Frìndin Michèle Cordoue, dr Filmmàcher Yves Allégret lehra kenna. Da hàt ìhm d Glagaheit gaa, ìn sim erschta Film z spìela: „Quand la femme s'en mêle“, mìt dr Schàuispìelera Edwige Feuillère. Uf em Rot vum Yves Allégret, hàt sìch dr jung Schàuispìeler nàtüral benumma, wia ìm normàla Lawa.

Noochhar hàt'r ìm Film „Sois belle et tais-toi“ vum Marc Allégret gspìelt, mìt da Schàuispìeler Mylène Demongeot, Henri Vidal un Jean-Paul Belmondo.

Wahrend em Film Christine, ànna 1958, hàt'r mìt dr ditscha Schàuispìelera Romy Schneider gspìelt. Sa han sìch verliabt un 22. März 1959 verlobt. Beida sìn sallamols a Symbol vu Jugend, Scheenheit un Erfolg gsìì.[3]

Dr Alain Delon ìsch àwer erscht mìt da Film „Faibles Femmes“ vum Michel Boisrond un „Plein Soleil“ vum René Clément a rìchtiga Star worra, un si Erfolg hàt sìch ìn da 1960er Johra entwìckelt.

Film Rocco et ses frères

Dr Film Rocco et ses frères, vum Luchino Visconti, wo-n'r dr Hàuiptrolla ghàà hàt, hàt dr Sunderpriis vum Jury ìm Festival vu Venedig gwunna ànna 1960. Dr Film L'Éclipse, vum Michelangelo Antonioni, wo dr Delon mìt dr Monica Vitti gspìelt hàt, hàt ànna 1962 dr Sunderpriis vum Jury ìm Festival de Cannes bikumma. Dr Film Mélodie en sous-sol, vum Henri Verneuil, hàt d Palme d'Or ìm Festival vu Cannes bikumma; ìn dam Krimifilm hàt dr Alain Delon dr Beriahmta Schàuispìeler Jean Gabin lehra kenna.

Dr Alain Delon ìsch nìt numma a Schàuispìeler: ar hàt ànna 1960 a Restaurant z Nizza kàuift, un ar hàt ànna 1964 Film fànga à harstella, bsunderscht fer engagiarta Àuitorfilm. Speeter, ànna 1968, hàt'r d Produktionsfirma Adel Productions grìnda.

Àla Schàuispìeler, hàt'r aui a ìnternàtionàla Kàrriar pràwiart: ìn Anglànd, mìt „The Yellow Rolls-Royce“ un „Girl on a Motorcycle“, ìn Àmerikà z Hollywood, wo àwer dr Erfolg nìt so kumma ìsch wia erwàrta.

Ar hàt aui ìm Theàter gspìelt, zum Beispiel ìm Stìckla „Le Samouraï“ ànna 1967 oder „Les Yeux crevés“ ànna 1969.

Ìn da 70. Johra hàt dr Schàuispìeler si bekànnta Üsssah entwìckelt, mìt Hüet un Màntel. Ar spìelt meischtens ìn Krimi-Films, mìt àndera beriahmta Schàuispìeler wia dr Jean-Paul Belmondo, d Catherine Deneuve, d Romy Schneider oder dr Richard Burton. Ar hàt mìt dr Simone Signoret dreiht, ìn da Films „La Veuve Couderc“ vum Pierre Granier-Deferre un „Les Granges brûlées“ vum Jean Chapot, un aui mìt em Jean Gabin, ìm Film „Deux hommes dans la ville“ vum José Giovanni.

Dr Alain Delon ìsch aui Filmharsteller worra, ànna 1981, mìt sim „Film Pour la peau d'un flic“. Speeter, ànna 1983, hàt'r dr Film „Le Battant“ hargstellt.

Ànna 1984, hàt'r sina Polizist-Rolla verloo fer ìm Film „Un amour de Swann“ dr Baron de Charlus z spìela, ohna großa Erfolg. A Johr speeter, hàt'r a Garagiste ìm Film „Notre histoire“ vum Bertrand Blier gspìelt, un hàt derfer dr César vum beschta Schàuispìeler bikumma.

Trotz àss ar ìmmer àls Sex-Symbol ààgsah worra ìsch, hàt'r ànna 1992 ìm Film „Le Retour de Casanova“ d Rolla vu'ma àlta Verfiahrer wo si Glànz verlora hàt.

Theàterstìckla Une journée ordinaire (2013)

Ànna 1999 hàt'r gsajt àss'r a And àn sinera Kino-Kàrriar màcht. Trotzdam hàt'r doch noch ìn teil Film un sogàr Television-Serie dreiht. Ìn da Television-Serie „Fabio Montale“ (2001) un „Franck Riva“ (2003 un 2004) hàt'r wìder a Polizist gspìelt. Ar hàt aui Theàter gspìelt, ìn da Stìckla „Sur la route de Madison“ (2007), „Love Letters“ (2008) un „Une journée ordinaire“ (2013) wo-n-'r mìt sim Tochter Anouchka gspìelt hàt.

Privàtlawa

Vu 1959 bis 1964 hàt'r a Beziehung mìt dr ditscha Schàuispìelera Romy Schneider ghàà.

Vu 1964 bis 1968 ìsch'r mìt dr Nathalie Delon (Francine Canovas, mìt ìhrem rìchtiga Nàmma) ghirota gsìì. Sa han a Suhn bikumma: Anthony (* 30. September 1964).

Vu 1969 bis 1983 hàt'r a Beziehung mìt dr Mireille Darc ghàà.

Ànna 1987 hàt'r s nìederlàndischa Top-Model Rosalie van Breemen lehra kenna. Ìhra Beziehung hàt bis 2002 düürt. Sa han zwei Kìnder bikumma: Anouchka (* 25. November 1990) un Alain-Fabien (* 18. März 1994).

Wark

Lischta vu da Film vum Alain Delon, mìt dr Präsentation:

Johr: Nàmma un Harsteller vum film: Rolla vum Alain Delon

1940-Johra

1950-Johra

1960-Johra

1970-Johra

1980-Johra

1990-Johra

2000-Johra

2010-Johra

Weblink

 Commons: Alain Delon – Sammlig vo Multimediadateie

Referanza

  1. ↑ Alain Delon, franceculture.fr (fr)
  2. ↑ Alain Delon a 80 ans : sa jeunesse méconnue, rtl.fr, 08.11.2015 (fr)
  3. ↑ Romy Schneider et Alain Delon, une histoire d'amour entrée dans la légende, rtl.fr, 23.09.2020 (fr)
Kategorie