Dr Abraham Lincoln ['eɪbrəhəm 'liŋkən] (* 12. Februar 1809 bi Hodgenville, Hardin County, hüte: LaRue County, Kentucky; † 15. April 1865 z Washington, D.C.) isch vo 1861 bis 1865 dr 16. Bresidänt vo de Veräinigte Staate vo Amerika gsi, dr erst wo Mitgliid vo dr Republikanische Bardei gsi isch und dr erst, wo Opfer vom ene Aaschlaag worde isch. Er isch 1860 für en erstei Amtsperioode gweelt worde und 1864 für e zwäiti.
Si Bresidäntschaft gältet as äini vo de bedütendste in dr Gschicht vo de Veräinigte Staate: Er isch e Gegner vo dr Sklaverei gsi und won er gweelt worde isch, si wäge däm zerst siibe und spööter no vier anderi Südstaate, wo s Sklaverei gee het, us dr Union usdräte und häi en äigene Staatebund, die Konföderierte Staate vo Amerika bildet. Dr Lincoln het d Nordstaate denn im Sezessionschrieg agfüert, wo wäge däm usbroche isch. Er het d Widerhäärstellig vo dr Union und d Abschaffig vo dr Sklaverei in de USA duuregsetzt. Under sinere Regierig isch s Land zum e zentral regierte, modärne Industriistaat worde, was denn d Basis für si Ufstiig zur Wältmacht im 20. Joorhundert worde isch.
Abraham Lincoln im dütschsprochige Wikisource
![]() |
Dä Artikel basiert uff ere fräie Übersetzig vum Artikel „Abraham_Lincoln“ vu de dütsche Wikipedia. E Liste vu de Autore un Versione isch do z finde. |