271
es Gältstuck mit em Bildli vom Kaiser Aurelian

Dr Alemannechrieg

Es isch Chrieg zwüsche de Röömer und de Germane.
E groossi Schaar vo Alemanne vom Stamm vo de Jutunge chunt uf Italien abe. Wie vill ass es gsi sind und was si ufem Wääg über d Alpe – vermuetlich dur s Land Räzie – sin go mache weiss me nit. Die römische Kwelle säge numen, es sig bi Placentia, dr hütige Stadt Piacenza, zum ene Kampf zwüsche iine und em Militär vom römische Kaiser Aurelian choo; doo sind d Röömer underläge.
D Alemanne sind wyter gäge Süüde dur s römische Land. Dr Aurelian het si bi dr Stadt Fanum Fortunae, hüt Fano, a dr Adria chönne uufhalte und schloo.
Jetz sind d Ydringling zrugg, den Alpe zue, und die römischi Armee het se i dr Schlacht vo Ticinum, hüt Pavia, schwäär preicht und us Italie verjagt.
Zum Schutz gäge d Invasoore foot me z Rom mit em Bou vo dr Aurelianische Muur rings um d Stadt aa.

Was isch bassiert?

Dr Aurelian isch römische Kaiser. Wil er dr wichtig Kampf mit den Alemanne gwunne het, überchunt er dr Zuename Germanicus Maximus.
Es isch Chrieg zwüsche de Röömer und de Goote.
D Akademy vo Gundischapur wird gründet.
Z Syrie macht sich d Königin Zenobia vo Palmyra zur Kaiserin.
Dr Kaiser Victorinus vom Sonderrych z Gallie wird umprocht.
Dr Tetricius wird nöie Kaiser vom Sonderrych z Gallie.
Z China isch Chrieg.
D Chineese erfinde dr Kompass.
Dr Felix isch Bischof vo Rom.

Commons: 271 – Sammlig vo Multimediadateie