Was isch bassiert?

• 21. Jänner: Im Konflikt um dr Zürcher Reformationsprozäss zwisch em Ulrich Zwingli un em Konrad Grebel un em Felix Manz stellt sich dr Zürcher Stadtrot hinter dr Zwingli. Är verfiegt, dass Chinder speteschtens am achte Dag no dr Geburt mien daift wäre un verbietet em Grebel un em Manz d Glaibigedaifi un dr Unterricht in ihre Bibelschuele. Am nämlige Oobe grinde di beede di erscht Daifergmai.
• 16. Februar: Buure us 25 Derfer, wu zue Memmenge ghere, begähre uf wäg ihre wirtschaftlige, soziale un religiese Umständ un verlange vu dr Rychsstadt Verbesserige. Ihri Forderige bringe d Buure in Nyyn Artikel vor.
• 6. Merz: In dr freie Rychsstadt Memmenge dräffe sich im Dytsche Buurechrieg Verdrätter vu drei Buuregruppe go iber ihre Vorgoo gegeniber em Schwebische Bund z rotschlaa. Am negschte Dag grinde si noch em Vorbild vu dr Schywz di Oberschwebisch Aidgnosseschaft.
• 20. Merz: Verdrätter vu drei oberschwebische Buuregruppe verabschide im Dytsche Buurechrieg in dr Freie Rychsstadt Memmenge d Zwelf Artikel un d Bundesornig. Si gälte as di erschte schriftlig nidergschribene Mänscherächt vu dr Wält.
• 4. April: Bi Leiba wird dr Leibemer Houfe, wu sich im Dytsche Buurechrieg gege d Stadt Ulm erhobe het, vun eme Landschnäächtsheer vum Schwebische Bund gschlaa.
• 16. April: Dr Grof Ludwig vu Helfenstein wird im Dytsche Buurechrieg vu ufständische Buure unter em Jäcklein Rohrbach un dr Schwarze Hofmänni vor Weischberg umbrocht. Fir dr Martin Luther isch die Weischberger Bluettat dr Aalass fir syy Schrift Wider die Mordischen und Reubischen Rotten der Bawren.
• 23. April: E Buureufstand z Nußdorf bi Landau in dr Pfalz wytet sich uus zum Pfälzische Buurechrieg as Dail vum Dytsche Buurechrieg.
• 8. Mai: Im Dytsche Buurechrieg schlysst dr „Chleggauer Huffe“ unter em Hans Müller d Burg Nei-Firschtebärg.
• 12. Mai: Im Dytsche Buurechrieg wäre in dr Schlacht bi Beblenge d Wirttebärger Buure vum Seldnerheer vum Schwebische Bund unter em Georg Truchsess vu Waldburg-Zeil vernichtend gschlaa.
• 15. Mai: Dr Thomas Müntzer, e evangelische Theolog un aini vu dr Laitfigure im Dytsche Buurechrieg, wird no dr Schlacht bi Frankenhausen gfangegnuu um am 27. Mai z Mühlhausen enthauptet.
• 23. Mai: E Buureheer unter em Hans Müller nimmt im Dytsche Buurechrieg d Stadt Fryburg yy.
• 13. Juni: Dr Martin Luther hyrotet z Wittenberg d Katharina von Bora, e ehmoligi Nunne.
• 29. Oktober: Dr Martin Luther haltet z Wittenberg di erscht Mäss uf Dytsch.
• Dezämber: Dr Martin Luther verfasst d Schrift De servo arbitrio, wu gege dr Erasmus vu Rotterdam un sällem sy These De libero arbitrio grichtet isch.
• Dr Ulrich Zwingli verfasst Commentarius de vera et falsa religione. Dodin bhandlet er uusfierli di zäntrale Pinkt vu syre Theology in Abgränzig zue dr katholische Tradition.

uf d Wält chuu

• 30. Mai: Selim II., Sultan vum Osmanische Rych

gstorbe

• 27. Mai: Thomas Müntzer, evangelische Theolog un Revolutionär
• 12. August: Hans Müller vo Bulgèbach, èn Buèrèfüürer im Dütschè Buèrèchrièg

Weblink

 Commons: 1525 – Sammlig vo Multimediadateie