Dr Ludwig van Beethoven het im Joor 1799 an dr 1. Sinfoni in C-Dur op. 21 afo schaffe und isch e Joor spööter fertig worde. Er het sä em Baron Gottfried van Swieten gwidmet, wo die klassischi Muusig zu sinere Zit gförderet het. D Sinfonii isch am 2. April 1800 im K. K. National-Hof-Theater z Wien urufgfüert worde und isch für e Komponist e groosse Erfolg gsi.

So wie d Sinfonii ufbaut und instrumentiert isch, cha mä zwar dütlig sini Vorbilder uuseghööre, das si im Beethoven si Leerer Joseph Haydn und dr Mozart gsi, aber s Wärk het Charakteristike, wo für e Beethoven tüpisch si: die hüfige sforzandi und wien er d Bloosinstrumänt mee uusestellt und unabhängiger iisetzt.

D Sinfonii isch öbbe 25 Minute lang und bestoot us vier Setz:

1. Adagio molto – Allegro con brio, 4/4 – 2/2
2. Andante cantabile con moto, 3/8 in F Dur
3. Menuetto: Allegro molto e vivace, 3/4
4. Adagio – Allegro molto e vivace, 2/4

D Instrumentierig bestoot us 2 Flöte, 2 Oboe, 2 Klarinette, 2 Fagott, 2 Hörner, 2 Drumbeete, Pauke und Striicher.

• Renate Ulm (Hrsg.): Die 9 Sinfonien Beethovens. Entstehung, Deutung, Wirkung. Vorwort von Lorin Maazel. 6. Auflage. Bärenreiter, Kassel u. a. 2009, ISBN 978-3-7618-1241-9, (Bärenreiter-Werkeinführungen).
• Günther Massenkeil: Beethoven. Die neun Sinfonien. In: Die neue Musikzeitschrift., 1967
• Arnold Werner-Jensen: Reclams Musikführer Ludwig van Beethoven ISBN 3-15-010441-6

• 1. Sinfonie (Beethoven): Note im International Music Score Library Project.
• Vollständige Partitur