An Syudad han Roxas usa nga ikaduha nga klase nga syudad ha lalawigan o probinsya han Capiz ha Katundan nga Kabisay-an nga rehiyon han Kabisay-an ha Pilipinas. Amo ini an kapital nga syudad han Capiz.
Usa ini nga sentro hin copra ngan aquakultura nga pagprodukto. An palibot nga lugar nagtatanom hin tubo, humay, lubi, prutas, abaka, ngan tabako. An mga tawo han Syudad han Roxas ngan an probinsya han Capiz nayakan hin Binisaya nga Hiligaynon.
Sumala han census han tuig 2000, mayda ini populasyon nga 126,352 ka tawo ha 25,126 nga mga panimalay.
An Syudad han Roxas ginbahin ngadto hin kap-atan kag pito (47) nga mga baranggay.
|
|
|
An Syudad han Roxas amo an lugar han kan Miguel Lopez de Legazpi pag-ukoy han pag-abot niya tikang ha Sugbo. An bungto han Panay amo anay an kapital han probinsya. An ngaran nga Capiz nga amo gihapon an ngaran han probinsya amo an daan nga ngaran han Syudad han Roxas. Ini nga lugar gindesignar nga "visita" han bungto han Panay. An lugar gntawag anay nga "El Puerto de Capiz". Sumala hin census han tuig 1732, mayda dinhe mga 327 nga nangungukoy. Han 1746, an Capiz amo an ginhimo nga lingkoranan han gobyerno militar, bisan kon ha mga butang han simbahan, gindudumara pa ini han Obispo han Sugbo. Sumala hin census han tuig 1760 mayda ini mga 17,683 nga nangungukoy. Han Mayo 31, 1847, usa nga Decreto Real naghimo han probinsya ngadto hin alcadia.
An Syudad han Roxas nga an ngaran han una "Bungto han Capiz" nagin syudad dida han Mayo 12, 1951 pinaagi han pagpagawas han city charter o carta han syudad, Republic Act No. 603. Hi Lorenzo Arnaldo amo an syahan nga alkalde han syudad. Ginbalyo-an an ngaran han nga Syudad han Roxas ha dungog han Presidente nga hi Manuel Roxas.
Sumala hin census han tuig 1732 mayda ini 2,327 nga nangungukoy. Han 1760, mga 3,971. Napulo kag unom (16) mga Espanyol. Han 1876, 17,683 an naihap nga mga tawo. Han 1990, an mga tawo naihap nga 103,171. Ngan han 2000, an naihap 126,352 nga mga tawo.
Mga Syudad ngan Bungto han Capiz | |
Mga Syudad: | Roxas |
Mga Bungto: | Cuartero | Dao | Dumalag | Dumarao | Ivisan | Jamindan | Ma-ayon | Mambusao | Panay | Panitan | Pilar | Pontevedra | President Roxas | Sapi-an | Sigma | Tapaz |