Jeujeur nyaéta gagang tali useup anu dijieun tina tangkal awi atawa tangkal waregu beunang ngaraut.[1][2][3]
Awi pikeun bahan jeujeur kudu leuleus liat sangkan kuat melenting di mana disanggut lauk, jeujeur ilaharna dijieun tina bahan awi tali[4] , baheula mah cenah aya hiji kapercayaan bahan jeujeur anu hadé turbangénan téh dijieunna tina awi urut ngagotong pasaran.[5]
Kiwari jeujeur geus leuwih maju dijieun tina bahan-bahan leuwih hadé saperti fiberglass, karbon, grafit, boron atawa kevlar anu leuwih hadé, leuleus liat, hampang tur kuat.[6]
Jeujeur téh pakakas paranti nguseup anu mibanda kagunaan pikeun ngalungkeun useup sangkan leuwih jauh katengah cai, sagigireun ti éta jeujeur anu leuleus liat mibanda kagunaan pikeun nataran lauk atawa naon waé anu pareng nyanggut sangkan bisa diperuhkeun bari henteu megatkeun tali sumawona motongkeun useupna.[6] Mingkin leuleus jeujeur mingkin karasa tempona disanggut lauk, ukuran kaleuleusan hiji jeujeur bisana dibédakeun ku taper, Taper fast ieu maksudna melenodna jeujeur umpama dipelentingkeun aya dibagéan tungtung jeujeur , Taper medium umpama dipelentingkeun jeujeur melenod ti mimiti tengah tengah jeujeur nepi ka palebah tungtung jeujeur, Taper slow jeujeur anukieu mah umpama dipelentingkeun melenodna téh ti mimiti puhu atawa deukeut kana panyepengan jeujeur.[6]
Jeujeur anu hadé kudu mibanda bagéan-bagéan anu aya patula patali jeung kagunaanna saperti :
Jeujeur anu loba dijual dipasar biasana dibédakeun kana tulu rupa[6]:
Jeujeur tina awi ganani biasana dipaké pikeun nguseup dibalong leutik atawa susukan leutik, mibanda tekstur anu alus ku lantaran bukuna parondok, jeujeur ieu henteu maké reel tapi cukup maké golong kenur anu ditalikeun kana jeujeur, loba dipaké di wewengkon Yogyakarta [6].
Jeujeur tina fiberglass watekna leuleus ti mimiti puhu nepi ka tungtung, di mana dipileykeun puhu jeung tungtungna bisa tepung/paantel, kalawan henteu potong hargana kagolongkeun murah ilaharna dipaké ngusep disolokan atawa balong anu henteu gedé ukurana.[6] Témpona disanggut ku lauk jeujeur fiberglass katémbong melenod kawas anubeurateun, ku kituna jeujeur tina bahan fiberglass mah kurang sugema di mana dipaké nataran/meruhkeun lauk badag tur motah.[8]
Jeujeur tina karbonmah rada heuras ngan leuwih énténg.[6] Hargana leuwih mahal tibatan Fiberglass.[6] Henteu kawas fiberglass jeujeur karbon mah umpama dipileykeun pisan bisa ngabeletok potong sagigireun tiéta jeujeur karbon kagolongkeun semi konduktor hartina bisa nyetrum umpama keuna kana listrik ku lantaran kitu kudu jadi perhatian di mana nguseup di luar mangsa usum hujan bari dordar gelap sabab bisa ngabalukarkeun resiko kacéntar gelap.[8]
Jeujeur tina bahan ieu leuwih hampang jeung kuat, ngan hanjakal rada mahal hargana.[6] ieu jeujeur dipaké kunu resep nguseup tikalangan menengah ka luhur.[8]
Jeujeur bahan campuran tina bahan High Carbon jeung Fiberglass ngahasilkeun jeujeur utamana karasa leuwih hampang jeung kuat, hanjakal hargana jeung miarana mahal mémang jeujeur tina bahan ieu dipaké ku tukang nguseup profesional.[8]
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |