La lingua russa è na lingua indo-europea di la rama di li lingui slavi. Attuarmenti è parrata ntâ Russia, Bielurussia, Ucraina, e comu lingua parrata di na parti mpurtanti dâ pupulazzioni nti l'autri stati dâ Cumunità dî Stati Nnipinnenti, e ntî ripùbbrichi baltichi di Lituania, Estonia e Lettonia.
La lingua russa usa n'arfabbetu particulari, dirivatu dû grecu e dû latinu. L'arfabbetu cirillicu, chi pigghia lu nomu di Cirillu, chi cu Metodiu cristianizzau li vasti tirritoria dâ Russia ntô XI sèculu, havi 31 littri e teni cuntu di certi sona spicifichi dâ lingua russa parrata.