Bangkok amministrazioni | |||||||||
---|---|---|---|---|---|---|---|---|---|
กรุงเทพมหานคร Krung Thep Maha Nakhon | |||||||||
| |||||||||
Stato: | Thailandie | ||||||||
Coordinate: | 13°45′N 100°29′E / 13.75°N 100.483333°E | ||||||||
Altitudine | 20 m s.l.m. | ||||||||
Superficie | 1.568,7 km² | ||||||||
Crestiàne | 9.100.000 (2010) | ||||||||
Denzetà | 5.801 ab./km² | ||||||||
Fuse orarie | Thailandia (UTC+7) | ||||||||
Site istituzionale | www.bangkok.go.th | ||||||||
Bangkok (jndr'ô thailandese กรุงเทพ ฯ, กรุงเทพมหานคร, o Krung Thep, Krung Thep Maha Nakhon) jè 'a capitale e cchiù granna cetata d'a Thailande e jè acchijate longhe 'u jume Chao Phraya, 'nzeccate ad 'u Gurfe d'a Thailandie.
Bangkok ha canosciute jndr'â lle urteme anne 'nu sveluppe 'ndustriale veloce assaje e rappresende une de le cetate economecamènde cchiù dinameche d'u Sud-est asiateche. 'A popolazzone d'u luèche ame ccu penze c'a cetata ha ddà emergere cumme cendre reggionale combetitive condre puèste famuse cumme Singapore e Hong Kong, me non g'ète favorite da 'mbrastrutture precarie e 'mbonende questione suggiale ccrejete p'a veloce crescite sove. Jè pure une de le destinazione cchiù scacchiate d'u turisme mondiale.
Bangkok d'apprìme jève 'nu piccele cendre commerciale e portuale, chiamate Bang Makok, e servive 'a cetata de Ayutthaya, ca ère 'a capitale d'u Siam. Quanne quèste ha state lassate jndr'â lle mane d'a Birmanie, jndr'ô 1767, 'u nuève re Taksin ha spustate 'a capitale a Thonburi (ôsce vanne de Bangkok) sus a 'u late occidendale d'u jume.
Jndr'ô 1782 'u re Rama I scacchie Bangkok, acchijate sus 'a vanne oriendale d'u jume de nnanze a Thonburi, cumme nuève capitale, sveluppannole, facenne quagghià 'u granne assaje palazze reale e rialannole 'u nome Rattanakosin, ca segnefeche cetate d'u scioielle. Pe' scioielle se fàce referemènde a 'u Buddha de Smeralde, 'na statue ca rappresende 'u palladie d'a cáse regnande e jè conzervate jndr'â cetata jndr'ô Wat Phra Kaew.
'U Regne de Thonburi, nasciute sus a lle cenere d'u Regne de Ayutthaya, a sove vôte addivendave 'u regne de Rattanakosin, o Regne d'u Siam ca jè rumaste ad 'u potere fine ad 'u 1932, quanne 'u re Rama VII congesse 'a costituzione e devenne semblicemènde 'u Regne d'u Siam. Jndr'ô 1939 ha 'n'otra vôte cangiate 'u nome jndre Regne de Thailandie.
Re Rama I dèje a Bangkok pure 'nu nome cerimoniale longhe assaje ('ndruche 'a sezione specifeche) ca fù cchiù nnande cangiare 'nu picche da 'u Re Rama IV Mongkut, e 'a cui abbreviazione, Krung Thep Maha Nakhon, jè 'u nome ufficiale de ôsce a die ca segnefeche "cetata de ll'jangele, granna cetata". Le thailandese e le laosiane 'a chiamane semblicemènde Khrung Thep, me jndr'â vanne rumanènde d'u munne s'ète sembe condinuate a chiamarle Bangkok.
Jndr'ô 2011 jè sede d'u film "'Na nuttate da lione 2".
Da 'u punde de viste amministrative, Bangkok jè une de le doje vanne a statute speciale d'a Thailandie (l'otra jè Pattaya) , non g'ète ufficialmènde 'na provinge, me jè sckaffate jndr'â liste de le provinge p'u fatte ca le crestiáne suve scacchiane 'u guverne provingiale, cumme avvène jndr'â lle otre 76 provinge statale (changwat). 'U guverne d'a cetata se scucchie jndre 2 vanne:
Bangkok jè scucchiáte jndre 50 destritte chiamate khet (jndr'â lle otre provinge le destritte d'u luèche sonde chiamate amphoe), ca sonde a lòre vôte scucchiáte jndre 154 khwaeng (แขวง).
'A provinga, cumme jè ôsce a die, fù ccrejète jndr'ô 1972, quanne 'a provinge de Bangkok (changwat Phra Nakhon) ca stàve d'apprìme avène aunìte cu quèdde de Thon Buri.
'Ô stemme d'a cetata tène 'u die d'u temborale Indra ca cavalche 'mbrà lle nuvole Erawan, 'na crijature mitologgeche quase auguale a 'nu elefande (rappresendate quacche vôte cu ttréde cápe). Jndr'â máne sove Indra tène 'a folgore, ce jè 'a sove arme. 'Ô stemme pigghie ispirazione a 'nu dipinde d'u pringepe Naris, 'nu artiste figghie d'u re Rama IV. 'U simbole d'a cetata de Bangkok jè 'na chiande, 'u ficus beniamino.
Alden Caldwell, superstite d'u Titanic
|