Wirtschaftswunder (tysk for «økonomisk under») er ei nemning brukt om to økonomiske oppsving i Tyskland, og om tilsvarande prosessar i Austerrike og Japan etter andre verdskrigen.
«Det fyrste tyske Wirtschaftswunder» var mellom 1890 og 1914. «Det andre tyske Wirtschaftswunder» viser til den raske gjenoppbygginga og det vedvarande økonomiske oppsvinget i Vest-Tyskland etter valutareforma i juni 1948, der den inflasjonsramma riksmarken blei bytt ut med Deutsche Mark. Arkitektane bak det vesttyske Wirtschaftswunder var Konrad Adenauer og finansministeren hans Ludwig Erhard.