Trygve Hoff | |
Statsborgarskap | Noreg |
Fødd | 7. juli 1938 Rognan |
Død |
2. desember 1987 (49 år) |
Yrke | dirigent, låtskrivar, plateartist |
Språk | norsk |
Trygve Henrik Hoff (7. juli 1938–2. desember 1987) var ein norsk visesongar og tekstforfattar.
Hoff var fødd og oppvaksen på Rognan i Nordland. I alle år var han oppteken av oppveksten og røtene sine. Han var saltdaling og nordlending. Her henta han inspirasjon til tekstane sine, og her høyrde han heime.
Hoff var lærar på Buskerud folkehøgskole (Heimtun) i mange år, då han budde på Darbu i Øvre Eiker kommune. Han var ein periode dirigent for Berlevåg Mannsangforening[1][2]
Trygve Hoff fekk tre barn: Ståle, Stig Henrik og Siv Elisabeth, Ståle var også ein god musikar før han vart sjuk, han spelte på fleire av platene til faren og har lagd melodien til «Folk é så bra» saman med Terje Blickfeldt. Stig Henrik og Siv Elisabeth er i dag etablerte skodespelarar.
Hoff er gravlagd ved Fiskum kyrkje. Han vart hylla med Nordland fylkes kulturpris post mortem i 1988.
Samleplata hans «Snart gryr en dag» vart i 2004 av avisa Nordlys og NRK kåra til tidenes nordnorske samlealbum. Hoff skreiv ei rad viser med utspring i landsdelen. Han skildra «Jentan på fileten», og skreiv også tekstar for andre artistar og turnerte Nord-Noreg flittig heilt til han gjekk bort.
«Har en drøm» og «Ei hand å holde i» er songar som dei fleste kjenner, begge vart gjeve til Jørn Hoel.
På Sissel Kyrkjebø si debutplate Sissel finn vi heile songar med tekst av Trygve Hoff, «Tenn et lys», «I ditt smil» og «Dagen gryr» (mel. Svein Gundersen), «Inn til deg» (mel. Lars Muhl) og «Det skal lyse en sol» (mel. Lasse Holm).
1993 Lån mæ no'n tima (samleplate)
Trygve Hoffs Minnefond vart stifta 12. februar 1988 til ære for kulturarbeidaren. Grunnkapitalen i fondet er skaffa til vege ved støttekonsertar, offentlege tilskott og private gåver.
Formålet er å dele ut Trygve Hoffs minnepris, som blir finansiert av avkastninga av grunnkapitalen. Minneprisen går til ein person eller ei gruppe personar som arbeider med kulturarbeid i Trygve Hoffs and.
Tygve Hoffs minnepris