Strutsefuglar (engelsk ratite) er ei gruppe av fugleartar utan flygeevne med uklår taksonomisk rangering innanfor overordenen Paleognathae. Den biologiske systematikken for strutsefuglar er under endring. Tidlegare var omgrepet strutsefuglar assosierte med den biologiske ordenen Struthioniformes som samla artar utan flygeevne i Paleognathae.[1] Struthioniformes har nyleg blitt omdefinert til å halde berre strutsefamilien Struthionidae.[2][3] Paleognathae samlar både strutsefuglar og dei flygedyktige tinamuar, Tinamidae. Til forskjell frå dei andre fugleartane som ikkje flyg, så manglar strutsefuglane brystbeinskam på brystbeinet, sternum. Utan brystbeinskam til feste for vengemusklar, så ville ikkje desse fuglane kunne flyge sjølv om dei hadde utvikla venger.
Nyare forsking har indikert at strutsefuglar er ei parafyletisk gruppe, at dei flygedyktige tinamuar, Tinamidae passar inn i gruppa, og at tinamuar er ei systergruppe til dei nyleg utdøydde moafuglane.[4][5][6][7]
Dette medfører dessutan at manglande flygeevne er ein eigenskap som utvikla seg uavhengig og fleire gonger i ulike utviklingslinjer innanfor Paleognathae.[6]
Strutsefuglane har opphav frå Gondwana. Store delar av det som tidlegare var Gondwana har i dag strutsefuglar, eller har hatt strutsefuglar i fortida.[8][9]
↑Harshman, John; Brown, Joseph W. (13 May 2010). «Palaeognathae». The Tree of Life Web Project. Arkivert frå originalen 29. juni 2020. Henta 21. desember 2014.
↑Phillips MJ, Gibb GC, Crimp EA, Penny D (January 2010). «Tinamous and moa flock together: mitochondrial genome sequence analysis reveals independent losses of flight among ratites». Systematic Biology59 (1): 90–107. PMID20525622. doi:10.1093/sysbio/syp079. CS1 maint: Multiple names: authors list (link)
↑Allentoft, M. E.; Rawlence, N. J. (2012-01-20). Moa's Ark or volant ghosts of Gondwana? Insights from nineteen years of ancient DNA research on the extinct moa (Aves: Dinornithiformes) of New Zealand. Annals of Anatomy - Anatomischer Anzeiger 194: 36–51.
↑Baker, A. J.; Haddrath, O.; McPherson, J. D.; Cloutier, A. (2014). Genomic Support for a Moa-Tinamou Clade and Adaptive Morphological Convergence in Flightless Ratites. Molecular Biology and Evolution