Simon House
Fødd	29. august 1948 (75 år)
Fødestad	Nottingham
Opphav	Storbritannia
Instrument	fiolin, tangentinstrument, elektrisk fiolin
Verka som	fiolinist, klaverspelar

Simon House (fødd 29. august 1948 i Nottingham i Nottinghamshire i England) er ein komponist og klassisk trent fiolinist og klaverspelar, kanskje mest kjend som medlem i bandet Hawkwind. Han kom inn i bandet i 1974 og innførte eit nytt element i stilen til bandet. Han var den første musikalsk utdanna musikaren i bandet, og stilen som dukka opp på Hall of the Mountain Grill var tidlegare uhøyrt og har vorte skildra som Black Sabbath møter The Moody Blues.

Før Hawkwind spelte House i High Tide, eit band han var med å starte, og Third Ear Band, som medverka med filmmusikken til Roman Polanski-filmen Macbeth. Han vart med i Hawkwind i 1974, og spelte på somme av dei klassiske albuma deira, før han forlet dei for å spele i bandet til David Bowie i 1978.

Sidan 1970-åra har han i tillegg til å spele i eit nyoppretta High Tide og Hawkwind i 1989-91 og 2001-03, gjeve ut fleire album under sitt eige namn.

• Myspace-sida til Simon House