Profan (av latin profanus, uinnvigd, uheilag) er ein motsats til heilag, sakral, det vil seia noko verdsleg, utan religiøs eller kyrkjeleg tilknyting.[1] Profan var opphavleg land som låg utanfor eit tempelområde (pro, 'utanfor' og fanus, 'heilagdom'). Å profanera er å vanheilaga.
Profan musikk (engelsk secular music) er det motsette av kyrkjeleg eller sakral musikk.
Innan arkitektur er ein profan bygning ein bygning som ikkje er sakral, som kyrkje, tempel eller moské.