Olaug Nilssen | |
![]() | |
Statsborgarskap | Noreg |
Fødd | 28. desember 1977 (46 år) Førde |
Yrke | skribent |
Periode | 1998- |
Olaug Nilssen (fødd 28. desember 1977)[1] er ein norsk forfattar. Ho debuterte i 1998 med romanen Innestengt i udyr, og arbeider som bokmeldar og forfattar av skjønnlitteratur og sakprosa.
Nilssen voks opp i Solheimsdalen i Førde kommune og busette seg seinare i Bergen[2], der ho mellom anna studerte litteraturvitskap. Ho har vore aktiv i tidsskriftet Vagant, og var, saman med Gunnhild Øyehaug, redaktør for det no nedlagde litterære tidsskriftet Kraftsentrum.[3] Ho var leiar for Skrivekunstakademiet i Hordaland frå 2008 til 2010.[2][3]
Olaug Nilssen er blitt kåra til ein av dei ti viktigaste unge forfattarane i Noreg. Forfattarskapen hennar er allsidig og prega av humor.
Nilssen var festspeldiktar på Dei Nynorske Festspela i 2006.[4][5]
Få meg på, for faen vart filmatisert i 2011.[5]
Tung tids tale er dramatisert av Riksteatret i samarbeid med Det Norske Teatret og Kilden Teater og Konserthus.