| Nils M. Knutsen | |||
| Fødd | 12. februar 1943 | ||
|---|---|---|---|
| Nasjonalitet | Noreg | ||
| Yrke | skribent | ||
Nils Magne Knutsen (fødd 12. februar 1943) er ein norsk litteraturforskar. Han er professor emeritus i nordisk litteratur ved Universitetet i Tromsø. Han har særleg markert seg som formidlar av skjønnlitteratur av nordnorske forfattarar og som spesialist på Knut Hamsuns forfattarskap.
Knutsen vart fødd i Kvæfjord. Han tok hovudfag i nordisk ved Universitetet i Oslo i 1973 med ei hovudoppgåve om nordnorsk samfunn slik det var skildra i Hamsuns Benoni og Rosa.[1] I 1974 var han stipendiat i nordisk litteratur, i 1977 førsteamanuensis, og i 2012 professor i nordisk litteratur ved Universitetet i Tromsø.
Knutsen var med på å starta Hamsundagene på Hamarøy i 1982, og var styreleiar i Hamsun-Selskapet (1988–2000). Han har skrive fleire bøker om nordnorsk kultur- og litteraturhistorie.
Knutsen vart i 2014 utnemnd til riddar av 1. klasse av St. Olavs Orden «for formidling av nordnorsk litteratur og kulturhistorie.»[2]