Denne artikkelen handlar om namnet Hall. For andre tydingar av oppslagsordet, sjå Hall.
Hall er eit nordisk mannsnamn og eit etternamn som kan ha fleire opphav. Førenamnet kjem frå norrønt Hallr og tyder 'stein' eller 'helle'. Det finst òg i samansette namn som Halldor, Hallgeir, Hallstein og Halvard og i kortforma Halle.
Det engelske etternamnet Hall er avleidd av gammalengelsk heall, som opphavleg viste til eit stort opphaldsrom, som hall på norsk, og seinare til herskapshus. Namnet blei hovudsakleg brukt om tenarar og liknande som budde i sjølve herskapshuset.[1]
Som førenamn er Hall nokså sjeldan i bruk i Noreg i dag. Ifylgje Statistisk sentralbyrå er det om lag 20 menn i Noreg som heiter Hall i 2012. Samtidig er det 332 nordmenn som har Hall som etternamn.
I Storbritannia er Hall det 19. vanlegaste etternamnet med om lag 110 810 brukarar.[2] I USA er det det 26. vanlegaste.[3]
- Hall Torarinsson (1100-talet), islandsk skald hjå Ragnvald Kale Kolsson jarl på Orknøyane.
- Hall Torarinsson bonde (995-1088), islandsk bonde i Haukadal.[4]
- Hall Caine (1853-1931), britisk forfattar (fødd Thomas Henry Hall Caine).[5]
- Hall Trøan Galaaen (f. 1923), norsk lokalpolitikar og jurist.
- James Hall (1761-1832), skotsk geolog
- Carl Christian Hall (1812-1888), dansk statsminister
- Asaph Hall (1829-1907), USA-amerikansk astronom
- Birger Anneus Hall (1858-1927), norsk prest og forfattar
- Pauline Hall (1890-1969), norsk komponist
- Adelaide Hall (1901-1993), USA-amerikansk jazzvokalist
- Jim Hall (f. 1930), USA-amerikansk jazzgitarist
- John L. Hall (f. 1934), USA-amerikansk fysikar
- Kenneth O. Hall (f. 1941), generalguvernør på Jamaica
- Daryl Hall (f. 1946), fødd i USA som Daryl Hohl, vokalist i Hall & Oates.
- Michael C. Hall (f. 1971), USA-amerikansk skodespelar
- Gary Hall jr. (f. 1974), USA-amerikansk symjar
- Hall & Oates, popduo frå USA.
- Novella «Berre ein hund» av Per Sivle handlar om hunden Hall og venskapen mellom han og guten Per.[6]