Hosanger | |||
stad | |||
Land | Noreg | ||
---|---|---|---|
Fylke | Vestland | ||
Kommune | Osterøy | ||
Postnummer | 5282 LONEVÅG | ||
Hosanger kommune 60°34′31″N 5°28′41″E / 60.575277777778°N 5.4780555555556°E | |||
Wikimedia Commons: Hosanger, Osterøy | |||
Hosanger er ei bygd på Osterøya og var tidlegare ein sjølvstendig kommune i Hordaland fylke.
Hosanger prestegjeld blei oppretta som formannskapsdistrikt den 1. januar 1838.
1. januar 1867 blei ein del av Voss med 28 innbyggjarar ved kongeleg resolusjon overført til Hosanger. 1. januar 1885 blei annekssoknet Seim, som låg som ein eksklave i vest, overført til den nye kommunen Alversund. 1. januar 1964 blei den delen av Hosanger som ligg på Osterøy, og som hadde 1616 innbyggjarar, slått saman med delar av Bruvik, Hamre og Haus kommunar til den nye Osterøy kommune. Den delen av Hosanger som låg nord for Osterfjorden hadde 791 innbyggjarar, og dette området blei samstundes slått saman med Alversund kommune og delar av Hamre, Lindås, Modalen og Sæbø kommunar til den nye Lindås kommune.
Folketalsutvikling for tidlegare Hosanger kommune frå 1920 til 1964:
1.12.1920[1] | 1.12.1930[2] | 3.12.1946[2] | 1.1.1951[3] | 1.1.1961[3] | 1.1.1964[3] |
---|---|---|---|---|---|
2612 | 2470 | 2722 | 2688 | 2438 | 2407 |
Stadnamnet Hosanger er truleg danna av orda hose, det vil seie «lang strømpe», og angr, «fjord», og viser til forma på fjorden.