Froskar er slanke, vasslevande amfibium i ordenen halelause padder (Anura).
Omgrepet er ikkje ei taksonomisk gruppe, men er ei polyfyletisk gruppe der padder ikkje er tekne med. Denne inndelinga gjev ei viss meining i europeisk samanheng, der ho omtrent samsvarer med familiane ekte froskar Ranidae og padder (Bufonidae). Utanfor Europa finst det derimot halelause padder som ikkje fell naturleg inn i denne grupperinga.
Den arten ein gjerne meiner når ein snakkar om «frosk» på norsk er buttsnutefrosk (Rana temporaria).[1] I Noreg finst det elles fire andre artar ein kallar froskar. Rana er ei biologisk slekt med ein del typiske froskar, medan familien ho høyrer til, Ranidae, blir kalla ekte froskar.
I Noreg er det registrert fire froskeartar:
Namn på ulike språk | |
---|---|
Norske synonym og dialektnamn: hoppetosse, hoppetuss(e), hoppetrausk (Jæren), mylapp | |
Norrønt | froskr |
Svensk | groda |
Dansk | frø |
Engelsk | frog |
Tysk | Frosch |
Fransk | grenouille |
Spansk | rana |
«Frosk» kjem av norrønt froskr og har samanheng med ordet «frode» (bokmål «fråde»).[1] Ordet er i slekt med engelsk frog og tysk Frosch og kjem frå urgermansk *fruska-z med den urindoeuropeiske rota *preu- ('å hoppe, springe').[3]