Edvard Ruud (6. november 1907–5. august 2001) var ein norsk lyrikar, folkeminnesamlar og folkemusikar frå Elgsnes i Harstad.

Ruud var ein representant for den nordnorske folkelege kulturen, særleg folkemusikken og den folkelege songen. Han song inn nærpå 200 songar i NRK. I mange år reiste han i bygd og by og fortalde og song. Han gjorde også mykje for ungdomslag, målsaka, museumsarbeid og mangt anna.^[1] Han vart statsstipendiat i 1974.

• Tankar eg tenkte som eit minne til deg, dikt, 1979
• Det mørke landet, eventyrsamling, 1980
• Tankar i ord : dikt i utval, 1981
• Dei finaste band, Elias Blix og hans Barndomsminne frå Nordland, 1983 (sm.m. Karl Erik Harr)
• Tankar og ord frå landet i nord, dikt, 1998
• Hav og himmel i Hålogaland, dikt, 1999
• Dikt frå Elgsnes, 2000

• Blixprisen 1980
• Harstad Sparebanks kulturpris 1987
• Petter Dass-medaljen 1991