Edvard Hagerup
Fødd	9. september 1781 Kristiansand kommune
Død	29. mars 1853 (71 år)
Statsborgar av	Noreg
Yrke	politikar, jurist
Utdanna ved	Bergen Katedralskole
Far	Eiler Hagerup d.y.
Barn	Gesine Hagerup, Johanne Margrethe Bull
Alle verv	stortingsrepresentant (1814–1814) vararepresentant til Stortinget (1818–1820) vararepresentant til Stortinget (1821–1823) stortingsrepresentant (1824–1826) stortingsrepresentant (1827–1829) vararepresentant til Stortinget (1833–1835) fylkesmann i Hordaland (1831–1834) fylkesmann i Sogn og Fjordane (1822–1831) stiftamtmann i Bergen stiftamt (1834–1852)

Edvard Hagerup (9. september 1781–29. mars 1853) var ein norsk jurist, embetsmann og stortingsmann.

Hagerup var fødd i Kristiansand, der faren Eiler Hagerup var biskop. Han vart uteksaminert frå Bergens katedralskule i 1797, og vart cand. jur. i 1802. Frå 1802 arbeidde han ved stiftskontoret i Bergen, 1807 rådstuskrivar i byen. 1815 vart han assessor i stiftsoverretten i Bergen.

Han var amtmann i Nordre Bergenhus amt frå 1822, og i Søndre Bergenhus amt frå 1831. Til sist var han 1834-52 stiftamtmann i Bergen.

Hagerup representerte Bergen på det overordentlege storting 1814, og på stortinget i både 1824 og 1827. Ved stortingsvala 1818, 1821 og 1833 nådde han ikkje heilt opp, kom ved dei høva på 1. eller 2. varamannsplass.

I 1814 var Hagerup sekretær i Lagtinget. Han var elles medlem av deputasjonen som reiste til Stockholm. På tingsamlinga 1824 var han visepresident i Lagtinget og formann i tre komitear. Både i 1827 og 1828 var han president i Lagtinget. Han var president i riksretten i 1827.

Stiftsgarden i Bergen har namn etter Hagerup. Han eigde huset frå 1809 til han døydde der i 1853. Mykje av interiøret stammar frå hans eigartid.

I 1849 vart han tildelt storkrossen av St. Olavs Orden.

Hagerup var bestefar til Edvard Grieg.

• Lindstøl, Tallak: Stortinget og Statsraadet 1814-1914. Kristiania, 1914
• Den Kongelige norske Sankt Olavs orden 1847-1947, utgitt av ordenskanselliet ved O. Delphin Amundsen, Grøndahl & Søns Forlag, Oslo, 1947
• Edvard Hagerup Arkivert 2011-05-27 ved Wayback Machine., Norsk samfunnsvitenskapelig datatjeneste

• Norsk biografisk leksikon
• Biografisk informasjon om Edvard Hagerup NSD Norsk senter for forskningsdatas politikararkiv