Clemens Brentano | |
![]() | |
Statsborgarskap | Kongedømet Preussen |
Fødd | 8. september 1778 Koblenz-Ehrenbreitstein, Frankfurt am Main |
Død |
28. juli 1842 (63 år) |
Yrke | skribent, lyrikar, eventyrsamlar, skodespelforfattar |
Religion | katolisisme |
Far | Peter Anton Brentano |
Mor | Maximiliane Brentano |
Ektefelle | Sophie Mereau, Auguste Bußmann |
Born | Magdalena Maria Brentano |
![]() | |
Clemens Brentano på Commons |
Clemens Wenzeslaus Brentano de La Roche (8. september 1778–28. juli 1842) var ein tysk poet og forfattar.[1] Ved sida av Achim von Arnim var han den viktigaste representanten for Heidelberg-romantikarane.
Han var den andre sonen til Frankfurt am Main-kjøpmannen Peter Anton Brentano (frå slekta Brentano di Tremezzo) og Maximiliane von La Roche, som Goethe hadde vore forelska i i ungdommen.[2]
Brentano studerte i Halle og Jena, og busette seg seinare i Heidelberg, Wien og Berlin. Han var ein nær venn av Christoph Martin Wieland, Johann Gottfried von Herder, Johann Wolfgang von Goethe, Friedrich Schlegel, Johann Gottlieb Fichte og Ludwig Tieck.
I 1801 flytta han til Göttingen, og blei kjend med Achim von Arnim. I 1804 flytta han igjen til Heidelberg og samarbeidde med Arnim om Zeitungen für Einsiedler og Des Knaben Wunderhorn. I åra mellom 1808 og 1818 budde han mest i Berlin, og frå 1819 til 1824 i Dülmen i Westfalen.
Til dei talrike søskena hans høyrde Bettina Brentano (gift von Arnim), Georg Brentano, Christian Brentano, Sophie Brentano, Ludovica Brentano («Lulu»), Kunigunde Brentano («Gunda»), som var gift med den romantiske rettsteoretikaren Friedrich Carl von Savigny, og dessutan Magdalene («Meline») Brentano (gift von Guaita).