Blodfasan | |
![]() Blodfasan | |
Status | |
Status i verda: ![]() | |
Systematikk | |
Rike: | Dyr Animalia |
Rekkje: | Ryggstrengdyr Chordata |
Underrekkje: | Virveldyr Vertebrata |
Klasse: | Fuglar Aves |
Orden: | Hønsefuglar Galliformes |
Familie: | Fasanfamilien Phasianidae |
Slekt: | Ithaginis |
Art: | Blodfasan I. cruentus |
Vitskapleg namn | |
Ithaginis cruentus Hardwicke, 1821
|
Blodfasan[1] (Ithaginis cruentus) er ein asiatisk fugl i familien fasanfuglar i ordenen hønsefuglar.[2]
Blodfasan var nasjonalfugl for det tidlegare Kongeriket Sikkim,[3] og er delstatsfugl for noverande Sikkim i India.[4]
Blodfasanen er ein ganske liten (hann 44-48 cm, ho 39,5-42 cm) og rapphønelik fasan med hovuddusk, raude bein og raud bar hud kring auget. Hannen er kvitstreka grå på oversida, lyst grønaktig under og blodraud på strupen og deler av halen, av og til òg i ulikt omfang på brystet. Hoa har grå dusk og nakke, rustoransje andlet, mørkebrun oversida og rustbrun underside. Dei ulike underartane varierer i mønsteret av svart og raudt i andletet og utbreiinga av det raude på brystet. Revirlætet er ein serie hese skrik som i engelsk litteratur blir attgjeve «glee-glee-keweee!-keweee!-keweee!».[5][6]
Blodfasanen er plassert som einaste art i slekta Ithaginis. Ein deler han inn i 14 underartar med følgjande utbreiing:[2]
Underarten holoptilus blir ofte inkludert i rocki og annae i berezowskii.[7]
I Nepal finst arten i høgda med rhododendronvekstar og andre typar buskområde mellom 3200 og 4500 meter. På vinterstida søkjer han seg til lågare regionar ned til 2500 meter over havet, varierande geografisk og etter vêrlag. Arten lever hovudsakleg av mos, lauv og grasskot, men ein har òg observert at han et insekt. Fuglen legg egg frå midten av april til slutten av juni.[5]
Arten har eit stort utbreiingsområde og ein stor populasjon, men ein trur talet er redusert på grunn av habitattap og jakt. Nedgangen er likevel ikkje tilstrekkeleg kraftig til at han skal vurderast som truga. Den internasjonale naturvernsunionen IUCN kategoriserer derfor arten som livskraftig (LC).